Friday, September 25, 2020
RPG attack on the headquarters of an Iranian Kurdish party in Sulaimaniyah, Iraq
سلێمانی.. بە ئار پی جی هێرش كرایە سەر بارەگای حزبێكی رۆژهەڵات
نەوا
بەرپرسی سكرتاریەتی كۆمەڵەی زەحمەتكێشانی كوردستان رایگەیاند، گولەیەكی ئار پی جی لەسەر جادەی قەرەداغ – زڕگوێزەوە ئاراستەی بارەگاكەیان كراوە، بەڵام هیچ زیانێكی لێنەكەوتوەتەوە.
لەو بارەوە ئارام مودەڕیسی بەرپرسی سكرتاریەتی كۆمەڵەی زەحمەتكێشانی كوردستان بە نەوای راگەیاند، بەرەبەیانی رۆژی هەینی گولەیەكی ئار پی جی لەسەر جادەی قەرەداغ- زڕگوێز لە نزیك سلێمانی ئاراستەی بارەگای حزبەكەیان كراوە.
وتیشی، گولەهاوەنەكە بەر لەوەی بگاتە تەلبەندی بارەگاكەیان تەقیوەتەوە و جگە لە سوتانی پوش و پاوان هیچ زیانێكی تری لێنەكەوتوەتەوە و هەر زوو هێزەكانیان ئاگرەكەیان كۆنتڕۆڵ كردووە.
ئەو بەرپرسەی كۆمەڵەی زەحمەتكێشانی كوردستان ئاماژەی بەوەشكرد، هێزەكانی ئاسایش چوونەتە شوێنەكە و دەستیان بە لێكۆڵینەوە كردووە.
ئارام مودەڕیسی وێڕای ئاماژەدان بەوەی كە لە ئێستادا پەنجەی تۆمەت بۆ هیچ لایەنێك درێژناكەن جەختیی كردەوە، ئەمە یەكەم جار نییە بنكە و بارەگاكانیان دەكرێتە ئامانجی كردەوەی "تیرۆریستی" و چەندین جار بە كاتیوشا و هاوەن و ئار پی جی هێرشیان كرابوەسەر، بەڵام لە چەند ساڵی رابردوودا ئەو جۆرە هێرشانە كەمتر بووە، ئەمە یەكەم جارە جوڵەی لەم جۆرە دەستپێبكاتەوە.
Subscribe to:
Post Comments (Atom)
Execution of 9 people in one day.. 7 of them were executed in Kurdistan
At least 7 prisoners were executed in Urumieh and Selmas prisons, and two more prisoners were executed in Nishabour and Qom prisons. In the...
-
A report from the voice of America on the World Press Freedom Day and part of my speech ئهمڕۆ 3/5/2019 ڕۆژی جیهانی ئازادی ڕۆژنامهگهریی...
-
له یهكهم ساڵیادی داگیركردنی شاری عهفرین رێكخراوێكی نێودهوڵهتی ئاماژه به تاوانهكانی توركیا و گروپه توندڕهوه سوریهكانی هاوپهیمان...
No comments:
Post a Comment