محه‌ممه‌د ئه‌مینی
1- ئه‌گه‌ر قه‌ندیل “غه‌زه” بووایه: دووای کوژران و پارچه‌پارچه‌بوونی حه‌وت که‌سی سڤیل به هۆی بوردمانی فڕۆکه شه‌ڕکه‌ره‌کانی ئیسرائیله‌وه، یه‌که‌م که‌س قوڕپێوانی ده‌کرد هه‌ر ئه‌م ته‌یب ئه‌ردۆغانه‌ی ده‌بوو که خوێنی به هه‌زاره‌ها کورد و ئه‌و حه‌وت شه‌هیده‌ی کورته‌کی له په‌نجه ده‌چۆڕێت. که‌ناڵه ئیسلامیه‌کانی کوردستان له ژێر نوس و سه‌ر نوس و کورته و درێژه‌ی هه‌واڵدا ده‌یانکرده هه‌را، ده‌یانوت گوایه ئێسکی پێغه‌مبه‌ر له گۆڕا و عه‌رشی خوا له ئاسماندا له‌رزیوه ، چما چه‌ند رۆژوه‌وان، چه‌ند که‌س له ئۆمه‌تی محه‌مه‌د ، له خێڵی محه‌مه‌د له مانگی پیرۆزی ره‌مه‌زان به بێ گوناه کوژراون!
1- ئه‌گه‌ر قه‌ندیل “غه‌زه” بووایه: دووای کوژران و پارچه‌پارچه‌بوونی حه‌وت که‌سی سڤیل به هۆی بوردمانی فڕۆکه شه‌ڕکه‌ره‌کانی ئیسرائیله‌وه، یه‌که‌م که‌س قوڕپێوانی ده‌کرد هه‌ر ئه‌م ته‌یب ئه‌ردۆغانه‌ی ده‌بوو که خوێنی به هه‌زاره‌ها کورد و ئه‌و حه‌وت شه‌هیده‌ی کورته‌کی له په‌نجه ده‌چۆڕێت. که‌ناڵه ئیسلامیه‌کانی کوردستان له ژێر نوس و سه‌ر نوس و کورته و درێژه‌ی هه‌واڵدا ده‌یانکرده هه‌را، ده‌یانوت گوایه ئێسکی پێغه‌مبه‌ر له گۆڕا و عه‌رشی خوا له ئاسماندا له‌رزیوه ، چما چه‌ند رۆژوه‌وان، چه‌ند که‌س له ئۆمه‌تی محه‌مه‌د ، له خێڵی محه‌مه‌د له مانگی پیرۆزی ره‌مه‌زان به بێ گوناه کوژراون!
2- ئه‌گه‌ر “په‌که‌که” به هه‌ڵه فیشه‌کێکی له‌ده‌ست ده‌رچوبایه و لوتی هاوڵاتیه‌کی تورک دڵۆپێک خوێنی لێبهاتایه : ئه‌وا به‌ر له میدیای تورک ، میدیای کوردی له باشور به عه‌لمانی و ئیسلامیه‌وه، ده‌سه‌ڵاتداران به حیزبی و حکومیه‌وه، بێ سڵ کردنه‌وه و بێ دوودڵی ئه‌م کرده‌وه تیرۆریستیه قێزه‌ونه دژ به مرۆڤایه‌تی و سه‌قامگیربوونی ئاشتی له ناوچه‌که‌یان، شه‌رمه‌زار ده‌کرد
3- ئه‌گه‌ر تورکیا له‌مه خراپتریش بکات: هیچ به‌دوای وڵامدا مه‌گه‌ڕێن، بۆ له‌مه خراپتر چی ئه‌کات؟ لاشه‌ی کورد ئه‌نجن ئه‌نجن ده‌کات؟ ده‌ستدرێژی بۆ سه‌ر خاک ده‌کات؟ سوکایه‌تی ده‌کات؟ رۆحی نه‌ته‌وه‌یه‌ک ده‌ڕوشێنێت؟ که‌رامه‌تی وڵاتێک پێشێل ده‌کات؟ له‌وه زیاتر چی ماوه بیکات؟ ئه‌گه‌ر بیشیکات ئه‌وا هیچ نابێت، نه به‌رهه‌ڵستیه‌ک نه به‌رپه‌رچدانه‌وه‌یه‌ک، بێ خه‌م بنوون دنیا بێ ته‌قه و ره‌قه‌یه، ئاسایش و ئۆقره‌یی له سایه‌ی حکومه‌تی خۆماڵی باڵی به‌سه‌ر ئه‌م نیشتمانه بێ وێنه‌یه‌دا کێشاوه!
4- ئه‌گه‌ر سبه‌ینێ نه‌ک ئه‌ردۆغان، به‌ڵکوو کارمه‌ندێکی پله‌نزمی وه‌زاره‌تی ده‌ره‌وه‌ی تورکیا بێته پێته‌ختی هه‌رێم: به دڵنیاییه‌وه وه‌ک جاری جاران شه‌قامه‌کانی پێته‌ختی به ئاڵای سووری تورکیا بۆ ده‌رازێننه‌وه و له پرێس کۆنفرانسێکدا، گه‌لی تورک و حکومه‌تی تورکیا به دۆستی گیانی گیانی گه‌له‌که‌مان وه‌سف ده‌کرێت و پشتگیری خۆیان بۆ سیاسه‌تی کرانه‌وه‌ی دیمۆکراتیک و هه‌وڵه شێلگیرانه‌که‌ی ئه‌ردۆغان بۆ ده‌سته‌به‌ر کردنی مافه‌کانی گه‌لی رۆژهه‌ڵاتی تورکیا، دوباره ده‌که‌نه‌وه. سه‌رجه‌م ئه‌و ده‌نگۆ و بۆختانانه‌ش که گوایه حه‌وت که‌سی مه‌ده‌نی له‌ناو ئوتۆبێلێکدا به هۆی بوردمانی فرۆکه‌کانی تورکیاوا گیانیان له‌ده‌ستداوه وه‌درۆ ده‌خرێنه‌وه و هۆکاری ئه‌و رووداوه‌ش بۆ وه‌رگه‌ران، یان رووداوی هاتووچۆ یان گڕ کرتنی مه‌کینه‌ی سه‌یاره‌که ده‌گێڕنه‌وه!
5- ئه‌گه‌ر سبه‌ینێ ئه‌ردۆغان له ده‌می ده‌ربچێت و کفرێکی ئاوا بکات “ئه‌و بوونه‌وه‌رانه‌ی باشووری رۆژهه‌ڵات و رۆژهه‌ڵاتی تورکیا، له‌وانه‌یه مرۆڤ بن”: ئه‌وا بۆ ماوه‌ی یه‌ک حه‌فته میدیاکانی باشوری کوردستان، به عه‌لمانی و به مه‌لا بۆیه‌نباخه‌کانه‌وه، هه‌ر له مه‌کته‌بی سیاسی حیزبه‌کان تا فه‌راشی ناو ستۆدیۆ ده‌بنه شرۆڤه‌کار و شاگه‌شکه ده‌بن و باس له‌وه ده‌که‌ن ئه‌وه‌تا پیاوی هه‌زاره‌ی سێهه‌م، ئه‌وه‌تا رزگاریده‌ری کورد، ئه‌وه‌تا قاره‌مان، ئه‌وه‌تا ئه‌ردۆغان، له دواییشدا داوا له گه‌ریلاکانی کورد ده‌که‌ن، ئاقڵ و سه‌لار برۆنه‌وه ماڵه‌وه دانیشن و له سه‌ر خوانی به‌خشنده‌یی ئه‌ردۆغان بحه‌سێنه‌وه، چیتر کورد پێویستی به ئێوه نیه، دابنیشن و دوعا بۆ ته‌مه‌ندرێژی ده‌وڵه‌تی ئاکه‌په‌ی ئیسلامی بکه‌ن!
6- ئه‌گه‌ر ئه‌م کۆسته نه‌ک له کورد له هه‌ر نه‌ته‌وه‌یه‌کی دیکه بکه‌وتایه: به بێخه‌م له ماڵه‌که‌یدا دانه‌ده‌نیشت و به ده‌م خواردنی جبسی تورکیه‌وه سه‌یری درامای دۆبلاژکراوی تورکی بکات، له ده‌می هه‌ر ریکلامێکیان ئه‌سره‌واند که به کاڵا و باڵای تورکدا هه‌ڵبڵێت، به بینی ئاڵای سوری مانگ و ئه‌ستێره و ناوی تورک ده‌ڕشانه‌وه، وێنه‌ی ئه‌و ده‌ست و قاچ و سه‌ر وسنگ و ریخۆڵه‌ی ئه‌و حه‌وت که‌سه‌یان له سه‌ر خوانی به‌ربانگ دائه‌نا و له جیاتی به ئاو به فرمێسک رۆژوه‌کانیان ده‌شکاند، ئه‌و وێنانه‌یان ده‌برد له نه‌خۆشخانه‌ی مناڵبوون هه‌ڵیانده‌واسی تاکوو هه‌موو ژنێکی دووگیان مناڵه‌که‌ی له‌به‌ربچێت یان به‌ده‌ستی خۆی له‌باری به‌رێت،”چیتر ژیان مانای نه‌ماوه”، له مزگه‌وته‌کان، له چێشتخانه‌کان، له شه‌قام و کۆڵانه‌کان، له ناو یاریگا و سه‌یرانگا و زانکۆ و قوتابخانه‌کان، به‌رامبه‌ر ماڵی سه‌رۆک و کاربه‌ده‌سته‌کان، ئه‌م وێنانه له هه‌موو شونێک هه‌ڵده‌واسران تاکوو ئینسان شه‌رم له ئینسان بوونی خۆی بکات، تاکوو خواش یان یه‌خه‌ی خۆی دابدڕێت یان ئه‌وه‌تا سه‌ری خۆی هه‌ڵبگرێت.
7- ئه‌گه‌ر…
