محه‌مه‌د ئه‌مینی
دوو كورد، یه‌ك چاره‌نوس و دوو كاردانه‌وه‌ی جیا
رۆژی چوارشه‌ممه 10-6-2020 هه‌واڵی له‌سێداره‌دانی دوو كورد بڵاوكرایه‌وه. یه‌كێكیان ره‌حیم یوسفی به تۆمه‌تی كوشتن له زیندانی نه‌غه‌ده و ئه‌ویتریان هیدایه‌ت عه‌بدوڵاپور زیندانی سیاسی كه به‌ر له 20 رۆژ سزاكه‌ی به‌سه‌ردا جێبه‌جێ كرابوو.
یه‌كه‌میان سه‌رباری هه‌وڵی هاوڵاتیان و چالاكوانانی مه‌ده‌نی پیرانشار بۆ وه‌رگرتنی ره‌زامه‌ندی بنه‌ماڵه‌ی كوژراوه‌كه، كه هه‌وڵه‌كه بێ ئاكام بوو، دووه‌میشیان به بێ ئاگاداركردنه‌وه‌ی پارێزه‌ر و بنه‌ماڵه‌كه و به بێ دواماڵئاوایی، له سێداره‌درا.
یه‌مه‌كیان ده‌نگدانه‌وه‌یه‌كی كه‌م و دووه‌میان كاردانه‌وه و هاوسۆزی زۆر.
له‌سێداره‌دان وه‌ك گه‌وره‌ترین سوكایه‌تی به مرۆڤ
له‌ساده‌ترین پێناسه‌دا له‌سێداره‌دان واته كه‌سێك، سیسته‌مێك و هێزێك مافی ئه‌وه به‌خۆی بدات گیانی مرۆڤێك بكێشێت، جا به ئایین شه‌رعاندن بۆ ئه‌و مافه بكات، یان به ناوی نه‌ته‌وه و شۆڕش و چینی باڵاده‌ست و...
له زۆرترین حاڵه‌ته‌كاندا ته‌نها كوشتنی كه‌سێك نییه، به‌ڵكوو چاوترسێنكردنی نه‌یار و به‌رهه‌ڵستكاره‌كانیه‌تی، له كه‌سێكدا كۆمه‌ڵگا ده‌كوژێت و پێگه‌ی خوایی خۆی به بیر تاك به تاكدا ده‌هێنێته‌وه.
حاكمبوون و زاڵبوونی خۆی به‌سه‌ر گه‌وره‌ترین سامانی هه‌ر مرۆڤێك كه گیانیه‌تی ده‌سه‌پێنێت و به جۆرێك بێ به‌های ده‌كات كه به واژۆیه‌ك ده‌توانێت زه‌وتی بكات.
سێداره و كۆماری ئیسلامی دوانه‌یه‌كی لێكدانه‌بڕاو
هه‌ر له‌سه‌رتای هاته‌سه‌ركاری كۆماری ئیسلامی له‌سێداره‌دان و سڕینه‌وه‌ی فیزیكی نه‌یاره‌كانی و هه‌وڵدان بۆ چاوشكاندنی هاوڵاتیان به‌شێك بووه له فه‌رمانڕه‌واییه‌كه‌ی. له دوای چین زۆرترین ژماره‌ی جێبه‌جێكردنی سزاكه له وڵاته‌یه. به تاوانه‌كانی كوشتن، ماده‌ی هۆشبه‌ر، به‌رهه‌ڵستكاری و هه‌ر بیانویه‌كی تر به‌رده‌وام گیانی مرۆڤه‌كانی كێشاوه.
پاساوه‌كه بنه‌بڕكردنی ئه‌و تاوانانه و جێبه‌جێكردنی فه‌رمانه‌كانی خودایه، به‌ڵام نه تاوان كه‌میكردووه، نه ماده‌ی هۆشبه‌ر (با واز له‌وه‌شبێنین كه خۆی و داموده‌زگاكانی گه‌وره‌ترین بكوژ و بازرگانی ماده هۆشبه‌ره‌كانن)، له رووه سیاسیه‌كه‌شه‌وه نه‌یتوانیوه به له‌سێداره‌دان و سه‌ركوتی به‌رده‌وامی نه‌یاره‌كانی ئیراده‌یان بشكێنێت.
حزبه‌كانی رۆژهه‌ڵات و له سێداره‌دان
تا ئێستا نه‌مبینیوه و نه‌شم بیستووه هیچ حزبێكی رۆژهه‌ڵات به ته‌واوه‌تی دژی له سێداره‌دان بێت، واته له په‌یڕه‌و پڕۆگرامی به ته‌واوه‌تی ره‌تی بكاته‌وه.
ره‌نگه هۆكاره‌كه‌شی ساده بێت، خۆیان گه‌ر بۆیان هه‌ڵكه‌وتبێت، به ناوی به سزاگه‌یاندن زۆرجار بێ دادگایی كه‌سانی كوردی سه‌ر به رژێمیان كوشتووه و پاساوه‌كه‌شیان نه‌هێشتنی دیارده‌ی جاشایه‌تیه.
ئاخۆ دوای ئه‌و هه‌موو ساڵه دیارده‌ی جاشایه‌تی كۆتایی پێهاتووه؟ دوای كوشتن و له ناوبردنی هه‌ر جاشێك چه‌ند كه‌سی تر چه‌كیان داناوه؟ وه‌ڵامه‌كه دیاره، جاشایه‌تی وه‌ك خۆی ماوه!
كه‌واته چی بكرێت؟
ناكرێت و ئه‌خلاقی نییه خۆت بڕوات به له سێداره‌دان و گیان كێشان هه‌بێت و له هه‌مان كاتدا دژی ئه‌و تاوانه‌ش بوه‌ستیته‌وه، پێویسته وه‌ك هه‌نگاوێكی سه‌رده‌میانه و بۆ گه‌ڕانه‌وه‌ی رێز بۆ مرۆڤ هه‌موو جۆره له‌سێداره‌دانێك ره‌تبكرێته‌وه به فه‌رمی له لایه‌ن حزبه‌كانه‌وه و چیتر هیچ خاڵێكی لێكچوون له نێوان ئه‌وان و رژێمدا نه‌بێت له‌و باره‌وه.
ئه‌مه داخستنی ده‌رگایه‌كیشه به رووی ئه‌و حزبانه‌دا كه سبه‌ی رۆژ له ژێر هیچ پاساوێكدا بیر له له‌ناوبردنی نه‌یار و به‌رهه‌ڵستكاره‌كانیان و ملكه‌چ كردنی كۆمه‌ڵگا له رێگه‌ی سزای مه‌رگه‌وه نه‌كه‌نه‌وه.
KMMK:
راپۆرتی پێشێلكاری مافی مرۆڤ له مانگی مەی ٢٠٢٠ کە بە هەوڵی کۆمەڵەی مافی مرۆڤی کوردستان و بە پشت بەستن بەو ڕاپۆرتانە کە لەلایەن كۆمه‌ڵه‌ی مافی مرۆڤی کوردستان بڵاوکراونەتەوە، کۆبەندی بۆکراوە.
شایانی باسە ئەم ڕاپۆرتانە، بەهۆی ئیزن نەدانی کۆماری ئیسلامی ئێران بەلێژنەکانی مافی مرۆڤی جیهانی، ڕاپۆرتێکی تەواو نییە وتەنیا وێنەیکی بچوکی پێشێلکاری مافی مرۆڤ لەڕۆژهەڵاتی کوردستان ئامادە کراوە.
کۆماری ئیسلامی ئێران بە گرتنی هاووڵاتیانی کورد ، مافە سیاسی، کۆمەلایەتی و مەدەنیەکانی گەلی کورد پێشێل دەکات.
ئازادی رادەربرین، مافی ژیانی ئازاد و سەربەخۆ، ئەمنیەتی تاکەکەسی،بابەت گەلێکن کە حکومەتی ئێران بە رۆژانە پێشێلیان دەکات، ئەوە هاوکاتە لەگەڵ هەڵاواردن و جیاوازی خستن نێوان خەڵک.
سێدارە
لەم مانگەدا هیچ داتایەک لە سەر گیراوانی ئێعدام کراو دەست نەکەوتووە و حکومتەی ئێران هیچ ئامارێکی بڵاو نکردۆتەوە.
گرتن و زیندان
بەپێی ئامارەکانی کۆکراوە لەم مانگە دا ١٢ هاولاتی کە بریتین لە چالاکانی سیاسی، مەدەنی و… دەستبەسەر کراون.
| ژمارە | ناو | تەمەن | رێکەوت | شوێن |
| 1 | عەبدوللا ئەدوایی | ؟ | 4,5202 | سەوڵاوا(سروآباد) |
| 2 | تارق رەحیم پور | ؟ | 05.05.2020 | سنه |
| 3 | بنیامین رەحیم پور | ؟ | 05.05.2020 | سنه |
| 4 | ئیدریس گەلەداری | ؟ | 10.05.2020 | سنه |
| 5 | زانیار نورمەحەمدی | ؟ | 10.05.2020 | سنه |
| 6 | سەعید رەشیدی | ؟ | 11.05.2020 | مەهاباد |
| 7 | مەحەمەد عەلی لەشكەری | ؟ | 11.05.2020 | مەهاباد |
| 8 | سەمیع شەریفیان | 17 | 13.05.2020 | پیرانشار |
| 9 | عباس سەدیقی | ؟ | 17.05.2020 | پیرانشار |
| 10 | یۆسف ئیبراهیم زادە | ؟ | 22.05.2020 | شنۆ |
| 11 | شەهاب ناجی | ؟ | 22.05.2020 | نەغەدە |
| 12 | ئیسلام ئەنباخون | ؟ | 23.05.2020 | ورمێ |
کۆڵبەر و کاسبکار
لەم مانگەش دا کۆمەڵێک کۆڵبەر وکاسبکار بوونە قوربانی تەقەی راستەوخۆیی هێزە سەربازیەکانی کۆماری ئیسلامی ئێران و ١٦ کۆڵبەر و کاسبکار کوژراون و ٢٤ کۆڵبەر و کاسبکاریش بریندار بوون.
کۆڵبەر و کاسبکاری کوژراو
| ژمارە | ناو | تەمەن | رێکەوت | شوێن | هۆکار |
| 1 | مەحمود مورادی | 22 | 03.05.2020 | هەنگە ژالە بانە | تەقەی هێزەکانی حکومەتی ئێران |
| 2 | مەحەمەد ئیبراهیم زادە | ؟ | 03.05.2020 | نۆکان، کانی زەردە | تەقەی هێزەکانی حکومەتی ئێران |
| 3 | لوقمان چوارگۆشە | ؟ | 09.05.2020 | بلە سووری خوارێ | تەقەی هێزەکانی حکومەتی ئێران |
| 4 | کەیوان کەوسەری | ؟ | 09.05.2020 | بانه | بەربوونەوە |
| 5 | کامران مەولان نیا | 32 | 12.05.2020 | سەردەشت | تەقەی هێزەکانی حکومەتی ئێران |
| 6 | ئارام مەولودی | 25 | 17.05.2020 | شنۆ | خنکان لە چۆم |
| 7 | بەهرام یوسفی | ؟ | 17.05.2020 | قتوور | تەقەی هێزەکانی حکومەتی تورکیا |
| 8 | سەفیر ئیلئەفکەن | 37 | 20.05.2020 | شةۆ | تەقەی هێزەکانی حکومەتی ئێران |
| 9 | قادر یادساره | 21 | 23.05.2020 | تەقەی هێزەکانی حکومەتی تورکیا | |
| 10 | ئەرسەلان ئەحمەدی | ؟ | 24.05.2020 | سۆمابرادۆست | تەقەی هێزەکانی حکومەتی ئێران |
| 11 | کامران گولان | ؟ | 25.05.2020 | سەردەشت | تەقەی هیزەکای سپای ئێران |
| 12 | موحسێن دەرویش زادە | 26 | 29.05.2020 | ئەلەند | تەقەی هێزەکانی حکومەتی ئێران |
| 13 | ئیبراهیم جوردیزیج | 28 | 29.05.2020 | ئەلەند | تەقەی هێزەکانی حکومەتی ئێران |
| 14 | سینا مام سەلیمی | ؟ | 22.05.2020 | سەقز | تەقەی هێزەکانی حکومەتی ئێران |
| 15 | هادی گولابی | ؟ | 29.05.2020 | بروجێرد | تەقەی هێزەکانی حکومەتی ئێران |
| 16 | بێهزاد سالحی | 18 | 19.05.2020 | کرماشان | تەقەی هێزەکانی حکومەتی ئێران |
کۆلبەر و کاسبکاری بریندار
| ژمارە | ناو | تەمەن | رێکەوت | شوێن | هۆکار |
| 1 | سەدیق ئەحمەدی | ؟ | 03.05.2020 | چالدران | تەقەی هێزەکانی حکومەتی ئێران |
| 2 | مەنسوور چوارگۆشە | ؟ | 09.05.2020 | بلە سووری خوارێ | تەقەی هێزەکانی حکومەتی ئێران |
| 3 | مەیسەم موحەمەدی | ؟ | 09.05.2020 | بلە سووری خوارێ | تەقەی هێزەکانی حکومەتی ئێران |
| 4 | نەوزاد | ؟ | 15.05.2020 | هەورامان | تەقەی هێزەکانی حکومەتی ئێران |
| 5 | ؟ | ؟ | 15.05.2020 | هەورامان | تەقەی هێزەکانی حکومەتی ئێران |
| 6 | رەیا سەرشیری | ؟ | 17.05.2020 | گوندی وەکیل | تەقەی هێزەکانی حکومەتی ئێران |
| 7 | مەنافع حسێن زادە | ؟ | 17.05.2020 | گوندی وەکیل | تەقەی هێزەکانی حکومەتی ئێران |
| 8 | بێهزاد رەمەزانی | ؟ | 17.05.2020 | گوندی وەکیل | تەقەی هێزەکانی حکومەتی ئێران |
| 9 | شەمسەدین عومەرپور | ؟ | 17.05.2020 | ناوچەی سنووری | تەقەی هێزەکانی تورکیا |
| 10 | سالار | ؟ | 21.05.2020 | نەوسود | تەقەی هێزەکانی حکومەتی ئێران |
| 11 | کەیهان | ؟ | 21.05.2020 | نەوسود | تەقەی هێزەکانی حکومەتی ئێران |
| 12 | زەکەریا | ؟ | 21.05.2020 | نەوسود | تەقەی هێزەکانی حکومەتی ئێران |
| 13 | مەحەمەد ئەمینی | ؟ | 21.05.2020 | نەوسود | تەقەی هێزەکانی حکومەتی ئێران |
| 14 | مەنسوور | 30 | 22.05.2020 | بێتوش | تەقەی هێزەکانی حکومەتی ئێران |
| 15 | بەختیار | 32 | 22.05.2020 | بێتوش | تەقەی هێزەکانی حکومەتی ئێران |
| 16 | ؟ | ؟ | 23.05.2020 | سنوور | تەقەی هێزەکانی تورکیا |
| 17 | ؟ | ؟ | 23.05.2020 | سنوور | تەقەی هێزەکانی تورکیا |
| 18 | ؟ | ؟ | 23.05.2020 | سنوور | تەقەی هێزەکانی تورکیا |
| 19 | رودان ئەحمەدی | ؟ | 24.05.2020 | سۆمابردۆست | تەقەی هێزەکانی حکومەتی ئێران |
| 20 | توران ئەحمەدی | ؟ | 24.05.2020 | سۆمابردۆست | تەقەی هێزەکانی حکومەتی ئێران |
| 21 | کامیل گەوهەری | ؟ | 29.05.2020 | پیرانشار | تەقەی هێزەکانی حکومەتی ئێران |
| 22 | کەمال گەوهەری | ؟ | 29.05.2020 | پیرانشار | تەقەی هێزەکانی حکومەتی ئێران |
| 23 | روسوڵ جەبلک | ؟ | 29.05.2020 | پیرانشار | تەقەی هێزەکانی حکومەتی ئێران |
| 24 | عەلی خزرزادە | ؟ | 30.05.2020 | بانه | تەقەی هێزەکانی حکومەتی ئێران |
خۆکووژی
لەم مانگەدا ٦ کەس کۆتایی بە ژیانی خۆیی هێناوە.
| ژمارە | ناو | تەمەن | رێکەوت | شوێن | هۆکار |
| 1 | هادی یزدانی | 47 | 01.05.2020 | سەقز | نادیار |
| 2 | شیلان شبرنگ | 16 | 03.05.2020 | هەوراان | کێشەی ماڵباتی |
| 3 | زینب کودکی | 11 | 07.05.2020 | ئیلام | فەقیری |
| 4 | اصغر خسروی | 25 | 18.05.2020 | روانسەر | بێکاری |
| 5 | مفیده حسین نژاد | 18 | 24.05.2020 | سەقز | بەشوودانی زۆرەملی |
| 6 | حاصل التون | 19 | 26.05.2020 | پیرانشار | نادیار |
مین
لەم مانگە دا دوو کەس بە هۆیی تەقینەوەی مین بریندار بوون.
| ژمارە | ناو | تەمەن | رێکەوت | شوێن |
| 1 | بێهروز باقری | 30 | 07.05.2020 | قەلاوێزان |
| 2 | مەحەمەد سالحی | 46 | 15.05.2020 | بانه |
لە کۆتاییدا کۆمەڵەی مافی مرۆڤی کوردستان، داوا لە خەڵکی کوردستان دەکات، هەوڵ بدەن بۆ وەرگرتنی مافی ڕەوای خۆیان و هەر جۆرە پێشێلکاریەک کە لە لایەن کۆماری ئیسلامی ئێران لە مەڕ ئەوان دەکرێت، لەقاو بدەن و دەنگی خۆیان بە خەڵکانی جیهان بگەیەنن.
کۆمەڵەی مافی مرۆڤی کوردستان
