لە رۆژهەڵاتی كوردستان 16 كۆڵبەر بوونە قوربانی

in April, 8 kurish border worker (kulbar) was killed by Iranian forces
In the same month, 9 people were executed and 12 civil and political activists were arrested by security forces
Monthly violation of human rights in Kurdish regions of Iran

لە مانگی نیساندا 16 كۆڵبەر لە رۆژهەڵاتی كوردستان بوونە قوربانی و 9 كەسیش لەسێدارە دراون و 12 چالاكوانیش دەستبەسەركراون.
كۆمەڵەی مافی مرۆڤی كوردستان، ئاماری پێشێلكاریەكانی مافی مرۆڤی لە رۆژهەڵاتی كوردستان لە ماوەی یەك مانگی رابردوودا بڵاوكردەوە، بە پێی ئەو ئامارە، مانگی رابردوو 8 كۆڵبەر بە تەقەی هێزە ئەمنیەكانی ئێران كوژراون و 8 ی تریش برینداربوون.
هەر بەگوێرەی ئەو ئامارە لە ماوەی مانگی نیساندا 12 چالاكوانی سیاسی و مەدەنی كورد لە لایەن هێزە ئەمنیەكانەوە دەستبەسەركراون، ئەمەش لە درێژەی ئەو شەپۆلە گرتنانەدا دێت كە لەسەرەتای ئەمساڵەوە لەو بەشەی كوردستان چڕبوونەتەوە و بە هۆیەوە تا ئێستا زیاتر لە 100 چالاكوان راپێچی گرتووخانە كراون.
كۆمەڵەی مافی مرۆڤی كوردستان راشیگەیاندووە، مانگی رابردوو9 هاوڵاتی رۆژهەڵاتی كوردستان لە سێدارەدراون، كە تۆمەتبار بوون بە كوشتنی بە ئەنقەست.
ئەو ناوەندە ئاماژەی بۆ ئەوەش كردووە، كە لە مانگی نیساندا 9 كەس لە رۆژهەڵاتی كوردستان خۆیان كوشتووە، كە 7 یان ژن بوون و هەر لەو مانگەدا 2 ژنی تریش كوژراون.
https://www.radionawa.com/Ku/all-detail.aspx?jimare=17219