ئەمڕۆ پێشوازیمان كرد لە ژمارەیەك لە ئەندامانی گروپی “دەستپێشخەری ئاشتی كۆمەڵایەتی” كە پێكهاتبوون لە بەڕێزان، دانا سەعید سۆفی، هۆگر چەتۆ، رێبین رەسوڵ و رەحمان غەریب.
“دوابەدوای قوڵبوونەوەی بارگرژیە سیاسیەكانی هەرێم ژمارەیەك لە چالاكوانان و كەسایەتیە سیاسیەكانی هەرێم، بەمەبەستی هێور كردنەوەی دۆخەكە و بە ئامانجی یەكخستنی هەوڵە ناوخۆیی و دەرەكیەكان بۆ رێگری كردن لە ترازانی ئاشتی كۆمەڵایەتی، گروپێكیان بە ناوی “دەستپێشخەری ئاشتی كۆمەڵایەتی” پێكهێنا و بۆ گەیاندنی پەیامەكەیان سەردانی لایەنەكان، كەسایەتی و رێكخراوەكان و دەزگاكانی راگەیاندن دەكەن.
ژمارەیەك لە ئەندامانی ئەو گروپە لە چوارچێوەی سەردانەكانیان، بارەگای رادیۆ نەوایان بەسەركردەوە و وێڕای رونكردنەوەی ئامانج و داخوازیەكانیان، راگەیاندنی كەمپینی “ئیتر بەسە”یان لە لایەن رادیۆ نەواوە بەرزنرخاند و پشتیوانی خۆیان بۆ كەمپینەكە دەربڕی”.
No comments:
Post a Comment