NNSROJ: بەپێی ئامارێک ساڵی ڕابردووی كۆچی هەتاویی، بەدەیان كۆڵبەری كورد لە سەر سنوورەكانی رۆژهەڵاتی كوردستان، لەلایەن هێزە ئەمنییەكانی ئێرانەوە كوژراون یان برینداركراون.
تۆڕی مافەكانی مرۆڤ لە نوێترین راپۆرتیدا بڵاویكردەوە، بەپێی لێكۆڵینەوەكانیان تەنیا لەماوەی ساڵی ۱٣۹۳ی كۆچی هەتاویدا، لانیكەم ۲۷ كۆڵبەری كورد لە ئەنجامی دەستڕێژی هێزە ئەمنییەكانی ئێران لەسەر سنوورەكانی رۆژهەڵاتی كوردستان گیانیان لەدەستداوە و ۲۸ كەسی تریش برینداربوون.
هەر لەو ساڵەدا ۶ كۆڵبەریش بەهۆی نقومبوون لە ئاودا خنكاون، یان بەهۆی بەفر و سەرماوە ڕەقبوونەوە و ۴ كەسی تری بەهۆی تەقینەوەی مینەوە كەم ئەندام بوون.
ئەو ناوەندە جەختیشی كردۆتەوە لەوەی بەهۆی نەبوونی ناوەندی سەربەخۆ لە ناو ئێران و هەروەها گوشارەكانی ناوەندە ئەمنیەكانی ئەو وڵاتە، ئەو ئامارە لانیكەمی ژمارەی ئەو كۆڵبەرانەیە كە لەو سالەدا بوونەتە قوربانی و بە ئەگەرێكی زۆر ژمارەی قوربانیان زۆر لەوە زیاترە.
م.ا
م.ا
No comments:
Post a Comment