چۆڵكردنی زۆره‌ملێی گوندێك له‌ ئیلام

Iranian Revolutionary Guard forces forced a village in Ilam to evacuate their villages.

له‌ سه‌ر فه‌رمانی وه‌زاره‌تی وزه‌ی حكومه‌تی ئێران، له‌باره‌ی سودوه‌رگرتن له‌ كۆی قه‌باره‌ی به‌نداوی سه‌یمه‌ڕه‌ی ئیلام، به‌ زه‌بری هێزه‌كانی سوپای پاسداران و به‌ زۆره‌ملێ دانیشتوانی گونده‌كانی سه‌رووی به‌نداوه‌كه‌، له‌وانه‌ گوندی چه‌م شێر ناچار كران شوێنی نیشته‌جێ بوونی خۆیان چۆڵ بكه‌ن.
سه‌باره‌ت به‌ بڕیاری سودوه‌رگرتن له‌ كۆی توانستی به‌نداوی سه‌یمه‌ڕه‌ تا 29 ی خاكه‌لێوه‌، وه‌زیری وزه‌ی ئێران رایگه‌یاندووه‌، ئامانجیان كه‌مكردنه‌وه‌ی په‌ستانی سه‌ر به‌نداوی كه‌رخه‌یه‌، كه‌ كه‌وتوه‌ته‌ ناوچه‌كانی خوارووی به‌نداوی سه‌یمه‌ڕه‌.
دوابه‌دوای ده‌رچوونی ئه‌و بڕیاره‌ی وه‌زیری وزه‌ی ئێران، هێزه‌كانی سوپای پاسداران دانیشتوانی گونده‌كانی سه‌رووی به‌نداوی سه‌یمه‌ڕه‌ی پارێزگای ئیلامی رۆژهه‌ڵاتی كوردستانیان ناچار به‌ جێهێشتن و چۆڵ كردنی خانوه‌كانیان كردووه‌ و له‌ هه‌ندێك شوێنیش بارهه‌ڵگره‌كانی سه‌ر به‌ دامه‌زراوه‌ی نیشته‌جێبوون كه‌ل و په‌لی گوندنشینانیان له‌ شوێنی ژیانیان به‌ زۆره‌ملێ باركردووه‌ و بۆ شوێنێكی تریان گواستونه‌ته‌وه‌.
ئه‌و هه‌نگاوه‌ له‌ كاتێكدا كه‌ باس له‌وه‌ده‌كرێت، له‌ لایه‌ن حكومه‌تی ئێرانه‌وه‌ هیچ جۆره‌ قه‌ره‌بوویه‌ك بۆ دانیشتوانی گونده‌كانی سه‌رووی به‌نداوی سه‌یمه‌ڕه‌ ته‌رخان نه‌كراوه‌ و هه‌ر بۆیه‌شه‌ دانیشتوانی ئه‌و گوندانه‌ نه‌چوونه‌ته‌ ژێر باری چۆڵكردنی گونده‌كانیان و دواجار له‌ لایه‌ن هێزه‌ سه‌ربازیه‌كانی سوپای پاسدارانه‌وه‌ ناچاركراون له‌ گونده‌كانیان بچنه‌ ده‌ره‌وه‌.
جێی باسه‌ له‌ چه‌ند ساڵی رابردوودا له‌ناوبردنی دارستانه‌كان، ئاگركه‌وتنه‌وه‌ی به‌ ئه‌نقه‌ست له‌ لایه‌ن هێزه‌كانی سوپای پاسداران له‌ دارستانه‌كانی زاگڕۆس، بێ پلانی و نه‌بوونی راڤه‌كردن و تێگه‌یشتنێكی راست و دروست له‌ ناوچه‌ی زاگرۆس له‌ پرسی دروستكردنی به‌نداوی یه‌ك له‌دوای یه‌ك له‌ لایه‌ن به‌ڵێنده‌رانی سوپای پاسدارانه‌وه‌ له‌ پێناو به‌رژه‌وه‌ندی و سودمه‌ندبوونی دانیشتوانی ناوچه‌كانی ناوه‌ڕاستی جوغرافیای به‌ ناو ئێران و .. بونه‌ته‌ هۆی هه‌ڵسانی لافاوی سامناك له‌ سه‌ره‌تای ساڵی نوێی كوردیه‌وه‌ و له‌ ئه‌نجامیشدا زیانێكی زۆر به‌ر خه‌ڵكی رۆژهه‌ڵاتی كوردستان به‌ تایبه‌تی له‌ پارێزگاكانی ئیلام، كرماشان و لۆڕستان كه‌وتووه‌.

كۆمه‌ڵه‌ی مافی مرۆڤی كوردستان

http://www.kmmk.info/ku/16073

ئێران رێگری له‌ هاوكاریه‌كانی باشور بۆ رۆژهه‌ڵاتی كوردستان ده‌كات

Iran's refusal to send aid from southern Kurdistan (kurdistan of iraq) to flood victims in eastern Kurdistan( kurdistan of iran)

له‌ ده‌روازه‌ی په‌روێزخان و به‌ بیانووی ئه‌وه‌ی هاوكاریه‌كان له‌ ناو پاكه‌ت نه‌نراون و له‌ نایلۆن نه‌پێچراون، رێگری ده‌كرێت له‌وه‌ی هاوكاریه‌ كۆكراوه‌كانی شاری خانه‌قینی باشوری كوردستان بگاته‌ ده‌ست لێقه‌وماوان و زیانبه‌ركه‌وتوانی لافاوه‌كه‌ی لۆڕستانی رۆژهه‌ڵاتی كوردستان و هاوكات به‌هۆی فشاره‌كانی ئێرانه‌وه‌ كۆتایی به‌ كه‌مپینێكی كۆكردنه‌وه‌ی هاوكاریش ده‌هێنرێت له‌ شاری سلێمانی.
سه‌لام عه‌بدوڵا، چالاكوانی مه‌ده‌نی خانه‌قین و ئه‌ندامی لیژنه‌ی هه‌ره‌وه‌زی له‌ روونكردنه‌وه‌یه‌كدا له‌ باره‌ی كه‌مپینی “لۆڕستان به‌ ته‌نیا نییه‌” باسی له‌وه‌كردووه‌، كه‌ رۆژی چوارشه‌ممه‌، 21 ی خاكه‌لێوه‌ی 2719 ی كوردی هاوكاریه‌كانی خه‌ڵكی خانه‌قینیان گواستوه‌ته‌وه‌ بۆ ده‌روازه‌ی سنوری په‌روێزخان، به‌ڵام به‌رپرسانی ئێرانی له‌ ده‌روازه‌كه‌ به‌ پاساوی ئه‌وه‌ی هاوكاریه‌كان له‌ پاكه‌تدا دانه‌نراون و له‌ نایلۆن نه‌پێچراون، هاوكاریه‌كه‌یان ره‌تكردۆته‌وه‌.
ئه‌و چالاكوانه‌ ئاماژه‌ی به‌وه‌شكردووه‌، كه‌ به‌هه‌موو پێوه‌رێكی مرۆیی ده‌بوایه‌ هاوكاریه‌كه‌ به‌ هۆی پاكی و به‌ ویژدان پاراوییه‌وه‌ وه‌ربگیرایه‌.
له‌ لایه‌كی تره‌وه‌، رۆژی چوارشه‌ممه‌ كه‌مپینی كۆكردنه‌وه‌ی هاوكاری بۆ زیانبه‌ركه‌وتوان لافاوه‌كه‌ی لۆڕستان له‌ رۆژی 17 ی خاكه‌لێوه‌ له‌ لایه‌ن به‌ڕێوبه‌رایه‌تی رۆشنبیری سلێمانی و سه‌نته‌ری هاوبه‌شی لۆڕه‌وه‌ راگه‌یه‌نرابوو، كاره‌كانی راگیرا.
سەبارەت بە هۆکاری ڕاگرتنی کەمپەینەکە، نزار زێوەیی، بەڕێوبەری گروپی میوزیکی لوڕ ئاشکرای كردووه‌:”کەمپیەنەکە لە لایان ئاسایشەوە ڕێگریی لێکراوە”.
رونیشیكردۆته‌وه‌، كه‌:”لە نامەیەکدا کونسوڵخانەی ئێران ئاگاداری کردینەوە ئەم هاوکارییانە هیچی ناگاتە لوڕستان، چونکە حکومەتی ئێران هاوکاریی وڵاتان قبوڵ ناکات”.
جێی باسه‌ به‌ هۆی لافاوه‌وه‌ كه‌ له‌ كۆی 31 پارێزگای ئێران نزیكه‌ی 21 پارێزگای گرتۆته‌وه‌، پارێزگاكانی لۆڕستان، ئیلام و كرماشانیش زیانێكی زۆریان به‌ركه‌وتوه‌ و به‌گوێره‌ی ئه‌و راپۆرتانه‌ی بڵاوكراونه‌ته‌وه‌، هێزه‌ ئه‌منی و سه‌ربازیه‌كانی ئێران به‌ چه‌ندین شێوه‌، له‌وانه‌ ده‌ستبه‌سه‌رداگرتنی هاوكاریه‌كان و رێگری كردن له‌ گه‌یاندنیان، ئاسته‌نگی زۆریان بۆ هه‌ڵمه‌ت و كه‌مپینه‌ خۆڕسكه‌كانی كۆكردنه‌وه‌ی هاوكاری هاوڵاتیانی رۆژهه‌ڵاتی كوردستان دروست كردووه‌.

كۆمه‌ڵه‌ی مافی مرۆڤی كوردستان

http://www.kmmk.info/ku/16056

زۆربوونی خۆكوشتن له‌ رۆژهه‌ڵاتی كوردستان\ دوو ژن له‌ كرماشان و ورمێ كۆتاییان به‌ ژیانیان هێنا

Increased suicide rate in eastern Kurdistan (Kurdistan Iran)
Two women in Kermanshah and Urumia ended their lives

رۆژی سێ شه‌ممه‌ ۱۳ ی خاكه‌لێوه‌ی ۲۷۱۹ ی كوردی ژنێكی ته‌مه‌ن ۲۲ ساڵ به‌ ناوی ش. قادری خه‌ڵكی گوندی دودانی سه‌ر به‌ شاری پاوه‌ په‌نای بۆ خۆكوشتن بردووه‌ و ژیانی له‌ده‌ستداوه‌.
به‌وته‌ی یه‌كێك له‌ كه‌سوكاره‌كه‌ی هۆكاری خۆكوشتنی ئه‌و ژنه‌، بۆ ناكۆكی خێزانی له‌گه‌ڵ هاوسه‌ره‌كه‌ی و بنه‌ماڵه‌ی هاوسه‌ره‌كه‌ی ده‌گه‌ڕێته‌وه‌، ئه‌مه‌ جیا له‌وه‌ی به‌ هۆی په‌ستان و پێداگری بنه‌ماڵه‌ی خۆیه‌وه‌، ناچار بووه‌ به‌رده‌وام بێت له‌ ژیانی هاوبه‌ش.
هاوكات ژنێكی گه‌نجی تر به‌ ناوی ن. مه‌عنه‌وی كه‌ دایكی منداڵێكی ساوا بووه‌، له‌ گوندی گه‌نگچینی ورمێ له‌ رۆژی ۲۹ ی ره‌شه‌مێی ساڵی رابردوو ئاگری له‌جه‌سته‌ی خۆی به‌ردابوو، پاش دوو هه‌فته‌ مانه‌وه‌ی له‌ نه‌خۆشخانه‌ گیانی سپاردووه‌.
هۆكاری په‌نابردنی ئه‌و ژنه‌ش بۆ خۆكوشتن، گه‌ڕێنراوه‌ته‌وه‌ بۆ ناكۆكی و كێشه‌ی خێزانی.
به‌گوێره‌ی زانیاریه‌كانی ناوه‌ندی ئاماری كۆمه‌ڵه‌ی مافی مرۆڤ، له‌سه‌رتای ساڵی زایینیه‌وه‌ تا ئێستا ۱۲ پیاو و ۱۱ ژن خۆیان كوشتبوو، به‌ هه‌ژمار كردنی ئه‌م خۆكوشتنی ئه‌م دوو ژنه‌، ژماره‌كه‌ بۆ ۲۵ حاڵه‌تی خۆكوشتن به‌رزبووه‌ته‌وه‌، ئه‌مه‌ جیا له‌ مه‌رگی گوماناوی ژنێكی تر.

http://www.kmmk.info/ku/16058

دوو هاووڵاتی بۆكانی لە لایەن ئیتلاعاتەوە بانگهێشت و دەستبەسەركران

Iranian security forces arrested two  kurdish activists in Boukan.

KMMK:
شەممە ۱۷ ی خاكەلێوەی 2719 ی كوردی، هەر یەك لە محەمەد ئێلیاسی و هیوا قوربانی ئەقدەم، خەڵكی گوندی قەرەگۆلی سەر بە شاری بۆكان لە لایەن هێزە ئەمییەکانی ئیتلاعاتی ئێران بانگهێشت و دەستبەسەركران.

ئەو دوو هاووڵاتییە دوای بانگهێشتكردنیان دەستبەسەركراون و گواستراونەتەوە بۆ بەندیخانەی ئیتلاعاتی ئێران لە شاری بۆكان.

بەپێی چەند زانیاریەكی نافەرمی ئەو دوو كەسە بە هاوكاری كردنی حزبە كوردستانیەكانی بەرهەڵستكاری كۆماری ئیسلامی ئێران تۆمەتبار کراون.

بەگوێرەی زانیاریەكانی ناوەندی ئاماری كۆمەڵەی مافی مرۆڤی كوردستان لەسەرەتای ساڵی نوێی زایینیەوە تا ئێستا ۹۷ هاووڵاتی رۆژهەڵاتی كوردستان دەستبەسەركراون و بەم دوو كەسەشەوە ژمارەكە بۆ ۹۹ كەس هەڵكشاوە.

کۆمەڵەی ماڤی مرۆڤی کوردستان

http://www.kmmk.info/ku/16053

كۆڵه‌كه‌یه‌كی سه‌ره‌كی دەسەڵاتی ئێران كرایه‌ ئامانج/ ئه‌مریكا سوپای پاسدارانی خسته‌ لیستی تیرۆره‌وه‌

U.S. designates Iran's Revolutionary Guards Corps foreign terror group

KMMK:

ئه‌مریكا سوپای پاسدارانی ئێرانی خسته‌ لیستی رێكخراوه‌ تیرۆریستیه‌كان و ئه‌وه‌ش یه‌كه‌مجاره‌ سوپایه‌كی فه‌رمی ناوی بچێته‌ ئه‌و لیسته‌وه‌، له‌ ئه‌نجامی ئه‌و بڕیاره‌ش هێزێك كه‌ زۆرترین رۆڵی له‌ سه‌ركوت، تیرۆری به‌رهه‌ڵستكاران، تاڵانكردنی سامانی گشتی ئێران، تێكدانی ژینگه‌ و نانه‌وه‌ی پشێوی و ئاژاوه‌ له‌ ناوچه‌كه‌ هه‌بووه‌، ده‌كه‌وێته‌ ژێر توندترین گوشاره‌وه‌.

دۆناڵد ترامپ سه‌رۆك كۆماری ئه‌مریكا له‌ كاتی راگه‌یاندنی ئه‌و بڕیاره‌دا، جارێكی تر حكومه‌تی ئێرانی به‌ پشتیوانی سه‌ره‌كی تیرۆر له‌ جیهان ناو برد و سوپای پاسدارانیشی وه‌ك باسكی جێبه‌جێكار و دابینكاری سه‌رچاوه‌ی دارایی بۆ تیرۆری نێوده‌وڵه‌تی پێناسه‌كرد.

لای خۆیه‌وه‌ مایك پۆمپئۆ، وه‌زیری ده‌ره‌وه‌ی ئه‌مریكا له‌ كۆنفرانسێكی رۆژنامه‌وانیدا باسی له‌وه‌كرد، ئه‌ندامانی سوپای پاسداران شۆڕشگێڕ نین، دز و چه‌ته‌ن، به‌رپرسانێكی گه‌نده‌ڵن كه‌ هێز و ده‌سه‌ڵاتی خۆیان به‌ شێوه‌یه‌كی خراپ به‌كارده‌هێنن و له‌ ده‌ره‌وه‌ی ئێرانیش كرده‌وه‌ی تیرۆریستی ئه‌نجامده‌ده‌ن.

هه‌ر سه‌باره‌ت به‌و بڕیاره‌، برایان هۆك نوێنه‌ری تایبه‌تی وه‌زاره‌تی ده‌ره‌وه‌ی ئه‌مریكا بۆ كاروباری ئێران وتی: دانانی سوپای پاسداران له‌ لیستی تیرۆر ده‌بێته‌ هۆی ئه‌وه‌ی سه‌ركه‌وتی سه‌ر خه‌ڵكی ئێران كه‌مبكرێته‌وه‌.

سوپای پاسدارانی شۆڕشی ئیسلامی ئێران، كه‌ وه‌ك له‌ ناوه‌كه‌ی دیاره‌ بڕبڕه‌ پشته‌ و كۆڵه‌كه‌ی پاراستنی كۆماری ئیسلامی بووه‌ له‌ ماوه‌ی ۴۰ ساڵی رابردوودا، جیا له‌ بواری سه‌ربازی، ده‌ستی به‌ سه‌ر زۆربه‌ی جومگه‌ هه‌ستیاره‌كاندا گرتووه‌، له‌وانه‌ ئابوری، سیاسی، به‌شێك له‌ سیاسه‌تی ده‌ره‌وه‌.

له‌سه‌ر ئاستی ناوخۆی ئێران سوپای پاسداران جیا له‌وه‌ی بودجه‌یه‌كی زه‌به‌لاحی ئێرانی بۆ ته‌رخان كراوه‌، ده‌ستی به‌سه‌ر زۆرینه‌ی پڕۆژه‌ ئابوریه‌ گه‌وره‌كانی وه‌ك نه‌وت و گاز، پێترۆشیمی، دروستكردنی رێگا وبان و به‌نداو و فڕۆكه‌خانه‌كان، كانگاكان، په‌یوه‌ندیكان و پڕۆژه‌ی گه‌وره‌ی وه‌ربه‌هێنان و هه‌نارده‌كاریدا گرتووه‌.

ئه‌و سوپایه‌ تۆمه‌تباریشه‌ به‌وه‌ی كه‌ له‌ بازرگانی ماده‌هۆشبه‌ره‌كانیشه‌وه‌ تێوه‌گلاوه‌، چ بۆ ساغكردنه‌وه‌ی له‌ ناوخۆ، چ بۆ هه‌نارده‌كردنی بۆ ده‌ره‌وه‌ی سنوره‌كانی ئێران، داهاتێكی زۆری لێی ده‌ستده‌كه‌وێت.

له‌ رووی سیاسیه‌وه‌، ده‌ستوه‌ردانی سوپای پاسداران له‌ كاروباری سیاسی، گۆڕین و ئاراسته‌كردنی ئه‌نجامی هه‌ڵبژاردنه‌كان و سه‌ركوتی خۆپیشاندان و ناڕه‌زایه‌تیه‌كان نكۆڵی لێناكرێت، به‌ تایبه‌تی له‌ سه‌ركوتی بزوتنه‌وه‌ی خوێندكاری، خۆپیشاندانه‌كانی دوای هه‌ڵبژاردنی ساڵی ۲۰۰۹ ی سه‌رۆكایه‌تی كۆمار و خۆپیشاندانه‌كانی دوو ساڵی رابردوو.

گرتوخانه‌كانی سه‌ر به‌ ئیتلاعاتی سوپای پاسداران، وه‌ك داپڵۆسێنه‌رترین و تۆقێنه‌رترین ناوه‌نده‌ ئه‌منیه‌كانی ئێران باسیان لێده‌كرێت، كه‌ تێیاندا ده‌ستبه‌سه‌ركراوان رووبه‌ڕووی قورسترین ئه‌شكه‌نجه‌كان ده‌بنه‌وه‌.

سوپای پاسداران لە رۆژهه‌ڵاتی كوردستان

هه‌ر له‌ یه‌كه‌م ساته‌كانی شۆڕشی گەلانی ئێرانه‌وه‌، كه‌ دواتر وه‌ك شۆڕشی ئیسلامی ناوه‌كه‌ی زه‌وتكرا، رۆژهه‌ڵاتی كوردستان كه‌وته‌ به‌ر په‌لاماری حكومه‌تی نوێ و سوپای پاسداران رۆڵی سه‌ره‌كی له‌ جێبه‌جێكردنی فه‌توای خومه‌ینی بۆ جیهاد له‌ دژی كورد هه‌بوو.

دوای ئه‌وه‌ی جوڵانه‌وه‌ی رزگاریخوازی رۆژهه‌ڵاتی كوردستان رووی له‌ كزی نا، سوپای پاسداران له‌ رێگه‌ی زیاتر په‌ره‌پێدان به‌ ئەندام گرتن له‌ ناوچه‌كانی رۆژهه‌ڵات و به‌شداربوون له‌ پرۆسه‌ی ئالوده‌كردنی گه‌نجانی كورد به‌ ماده‌ی هۆشبه‌ر و گرتن و راوه‌دونانی چالاكوانی كورد، درێژه‌ی به‌ كرده‌وه‌كانیدا.

له‌ سه‌ركوتی خۆپیشاندان و ناڕه‌زایه‌تیه‌ جیاجیاكانی رۆژهه‌ڵاتی كوردستان به‌ تایبه‌تی له‌ ساڵه‌كانی ۱۹۹۹ و ۲۰۰۵ سوپای پاسداران و ناوه‌نده‌كانی سه‌ر به‌و سوپایه‌ زۆرترین رۆڵیان گێڕا و له‌ ساڵانی دواتریشدا له‌ تێكدانی ژینگه‌ی كوردستان له‌ ژێر ناوی ئه‌نجامدانی پڕۆژه‌ی سه‌ربازی، دروستكردنی به‌نداو و سوتاندنی دارستان و له‌وه‌ڕگه‌كان رۆڵی نه‌رێنی هه‌بووه‌.

به‌هۆی ئه‌وه‌ی كۆنتڕۆڵی سنوره‌كانی رۆژهه‌ڵاتی كوردستان زۆرجار به‌ده‌ست سوپای پاسدارانه‌وه‌ بووه‌، ئه‌و سوپایه‌ هاوشێوه‌ی یه‌كه‌ی پاسه‌وانی سنور و هێزه‌كانی ئینتیزامی ده‌ستیان له‌ كۆڵبه‌رانی كورد نه‌پاراستووه‌ و راسته‌وخۆ به‌شداربوون له‌ كوشتاری ئه‌و توێژه‌دا.

سوپای پاسداران و كرده‌وه‌كانی له‌ ده‌ره‌وه‌ی سنوره‌كانی ئێران

ره‌نگه‌ هۆكاری سه‌ره‌كی دانانی سوپای پاسداران له‌ لیستی تیرۆری ئه‌مریكا، په‌لوپۆكردنی ئه‌و هێزه‌بێت له‌ ده‌ره‌وه‌ی ئێران، به‌تایبه‌تی له‌و ناوچانه‌ی تووشی به‌ریه‌ككه‌وتن ده‌بێت له‌گه‌ڵ به‌رژه‌وه‌ندیه‌كانی واشنتۆن و هاوپه‌یمانه‌كانی، به‌ڵام به‌شێك له‌ كرده‌وه‌كانی ئه‌و سوپایه‌ له‌ ده‌ره‌وه‌، درێژكراوه‌ی كرده‌وه‌كانیه‌تی له‌ ناوخۆی ئێران.

سوپای قودس كه‌ باڵی ده‌ره‌وه‌ی سوپای پاسدارانه‌، له‌سه‌ره‌تای دامه‌زراندنیه‌وه‌ و ته‌نانه‌ت هاوكات له‌گه‌ڵ شه‌ڕی ئێران و عێراق له‌ ده‌ره‌وه‌ی سنوره‌كان رۆڵی له‌ رێكخستن، پڕچه‌ككردن و ئاراسته‌كردنی چه‌ندین گروپی توندڕه‌و هه‌بووه‌، به‌تایبه‌تی له‌ لوبنان و فه‌له‌ستین و له‌ ئۆروپاش رۆڵی سه‌ره‌كی له‌ تیرۆركردنی سه‌ركرده‌ و رێبه‌رانی به‌رهه‌ڵستكار به‌تایبه‌تی كورد هه‌بووه‌.

سوپای قودس تۆمه‌تباره‌ به‌وه‌ی زیاتر له‌ ۳۵۰ به‌رهه‌ڵستكاری رۆژهه‌ڵاتی كوردستانی له‌ نێوان ساڵانی نه‌وه‌دی زانیینی له‌ باشوری كوردستان و توركیا و چه‌ند وڵاتێكی تر تیرۆركردووه‌، ئه‌مه‌ جیا له‌وه‌ی ده‌ستی له‌ كردنه‌ ئامانجی به‌رهه‌ڵستكارانی تریش هه‌بووه‌ له‌ ده‌ره‌وه‌ی ئه‌و وڵاته‌.

به‌شێكی زۆر له‌و داهاته‌ی سوپای پاسداران له‌ رێگه‌ی گه‌نده‌ڵی، ده‌ستبه‌سه‌رداگرتنی سه‌رچاوه‌كانی داهات و بازرگانی ماده‌ی هۆشبه‌ر به‌ده‌ستیهێناوه‌، بۆ چالاكیه‌كانی له‌ده‌ره‌وه‌ی سنوره‌كان ته‌رخان كراوه‌ و كۆنتڕۆڵكردنی چوار پایته‌ختی وڵاتانی عه‌ره‌بی و سه‌پاندنی هه‌ژمۆنی خۆی به‌سه‌ریاندا، وایكردووه‌، راسته‌وخۆ پلانی سنورداركردنی ئه‌و په‌لهاویشتنانه‌ی ئێران له‌ به‌یروت، به‌غدا، دیمشق و سه‌نعا ببێته‌ ئامانجی سه‌ره‌كی سیاسی ده‌ره‌وه‌ی ئه‌مریكا و هاوپه‌یمانه‌كانی له‌ ناوچه‌كه‌.

ساڵی ۲۰۱۱ و دوای ده‌ستپێكردنی شۆڕشی سوریا، كه‌ دواتر بۆ شه‌ڕی ناوخۆ گۆڕدرا، سوپای پاسداران راسته‌وخۆ به‌شداری له‌و شه‌ڕه‌ كرد و تۆمه‌تباری سه‌ره‌كیه‌ له‌ كوژرانی هه‌زاران كه‌س له‌ هاوڵاتیانی سوری و ئۆباڵی به‌شێك له‌ نه‌هامه‌تیه‌كانی ئێستای یه‌مه‌نیشی ده‌خرێته‌ ئه‌ستۆ.

هه‌ر له‌م ساڵانه‌ی دواییدا و به‌تایبه‌تی ساڵی ۲۰۱۸، مه‌كینه‌ی تیرۆری به‌رهه‌ڵستكارانی رۆژهه‌ڵاتی كوردستان له‌ باشوری كوردستان كه‌وته‌وه‌ كار، كه‌ په‌نجه‌ی سه‌ره‌كی تۆمه‌ت بۆ سوپای پاسداران راده‌دێردرێت، به‌ تایبه‌تی له‌ تیرۆری ژماره‌یه‌ك چالاكوان و پێشمه‌رگه‌ی حزبه‌كانی رۆژهه‌ڵات، له‌وانه‌ ئیقباڵ مورادی، ئه‌ندامی ده‌سته‌ی به‌ڕێوه‌به‌ری كۆمه‌ڵه‌ی مافی مرۆڤی كوردستان، قادر قادری، فه‌رمانده‌ی حزبی دیموكراتی كوردستان، ته‌قاندنه‌وه‌ی ئۆتۆمبێلی سه‌ڵاح مورادی پێشمه‌رگه‌ی حزبی دیموكراتی كوردستانی ئێران، كه‌ بووه‌ هۆی برینداربوونی خۆی و گیان له‌ده‌ستدانی كوڕه‌كه‌ی به‌ ناوی سه‌باح و چه‌ندین هه‌وڵی تری تیرۆر، ئه‌مانه‌ جیا له‌ موشه‌كبارانی كه‌مپی حزبی دیموكرات له‌ نزیك كۆیه‌، كه‌ بووه‌ هۆی گیان له‌ده‌ستدان و برینداربوونی زیاتر له‌ ۵۰ كه‌س.

به‌ له‌به‌رچاوگرتنی ئه‌و كارنامه‌یه‌، له‌ قاڵبدانی سوپای پاسداران له‌ رێگه‌ی دانانی له‌ لیستی تیرۆر، به‌هه‌ر ئامانجێك له‌ لایه‌ن ئه‌مریكاوه‌ ئه‌نجامدرابێت، پێشبینی ده‌كرێت، كاریگه‌ری له‌سه‌ر داته‌پینی تواناكانی ئه‌و سوپایه‌ له‌ ناوخۆ و ده‌ره‌وه‌ی ئێران هه‌بێت.

کۆمەڵەی مافی مرۆڤی کوردستان

http://www.kmmk.info/ku/16024

بەهۆی پێشێلكاریەكانی مافی مرۆڤەوە یەكێتی ئۆروپا سزاكانی سەر ئێرانی درێژكردەوە

The Council of the European Union on Monday extended by one year sanctions in response to “serious human rights violations in Iran”.

KMMK:

یەكێتیی ئۆروپا سزاكانی سەر حكومەتی ئێرانی بۆ ماوەی ساڵێكی تردرێژ كردەوە، كە بە هۆی پێشێلكارییە بەربڵاوەكانی مافی مرۆڤەوە بەسەر ئەو وڵاتەیدا سەپاندبوون.

لە راگەیەندراوێكی ئەنجوومەنی یەكێتیی ئۆروپا ئاماژە بەوە كراوە، كە ئەو سزایانەی بە هۆی پێشێلكاری بەرچاو و بەربڵاوی مافەكانی مرۆڤ بەسەر ئێراندا سەپێنراون، تا ۱۳ ی ئاپریلی ۲۰۲۰ درێژكراونەتەوە.

لە راگەیەندراوەكەدا هاتووە لیستی سزاكانی یەكێتیی ئەورووپا كە بەسەر ئێراندا سەپاندوویانە، خۆی لە بلۆككردنی سامان، قەدە‌غەی ڤیزای كۆمپانیایەك و ۸۲ كەسدا دەبینێتەوە.

هاوكات هەر بەپێی ئەو سزایانە رێگری دەكرێت لە هەناردەكردنی هەموو ئامرازێك كە لەو وڵاتە بۆ فشار بەكاردەهێنرێت و ناردنی هەموو تەكنەلۆژیایەكی گوێگرتنیش بۆ ئێران قەدەغە دەكرێت.

یەكێتیی ئۆروپا بۆیەكەم جار لە ۲۰۱۱دا بەهۆی پێشێلكاری مافی مرۆڤەوە سزای خستە سەر ئێران و هەموو ساڵێك سزاكان درێژدەكاتەوە.

جێی باسە بە بەردەوامی لە راپۆرتە نێودەوڵەتیەكانی تایبەت بە دۆخی مافەكانی مرۆڤ ئێران وەك یەكێك لەو وڵاتانە ناوی لێدەبڕێت، كە زۆرترین پێشێلكاری مافەكانی مرۆڤی تێدا ئەنجامدەدرێت، بەتیابەتی بەرامبەر بە پێكهاتە ئایینی و نەتەوەییەكان، ژنان، رۆژنامەنوسان و بەرهەڵستكاران.

کۆمەڵەی مافی مرۆڤی کوردستان

http://www.kmmk.info/ku/16021

https://www.radionawa.com/Ku/all-detail.aspx?jimare=16351

بانگهێشتی هاوڵاتیەكی كورد بۆ دادگای شۆڕشی ئیسلامی لە تاران

presure on iranian kurdish activist

KMMK:
رۆژی شەممە ۱۷ ی خاكەلێوەی ۲۷۱۹ ی كوردی، دادگای شۆڕشی ئیسلامی ئێران لە شاری تاران “سەعید ئیقباڵی” چالاكوانی مەدەنی كوردی خەڵكی شاری كرماشانی ئاگاداركردۆتەوە لەوەی كاتژمێر ۹ ی سەرلەبەیانی رۆژی چوارشەممە ۲۱ ی خاكەلێوە ئامادەی لقی ۲۸ ی ئەو دادگایە بێت.
بەوتەی سەرچاوەیەكی ئاگادار، ئەو چالاكوانە كوردە بەتۆمەتەكانی “بانگەشەكردن لە دژی دەسەڵات”، “گردبوونەوە و پلاندانان بە ئامانجی هەنگاونان دژی ئاسایشی نیشتمانی”، بانگهێشتی لقی ۲۸ ی دادگای شۆڕشی ئیسلامی تاران بە سەرۆكایەتی دادوەری “مەقیسە” كراوە.
جێی باسە سەعید ئیقباڵی چالاكوانی مەدەنی كورد رۆژی ۱۲ ی رێبەندانی ساڵی ۲۷۱۷ لە لایەن هێزە ئەمنیەكانی ئێران لە شاری كرماشان دەستبەسەر كرابوو، پاش دوو رۆژ گواسترابوەوە بۆ بەندی ۲۰۹ ی گرتووخانەی ئێڤینی تاران و دواجار و لە ئەنجامی بەدواداچوونی بنەماڵەكەی بە دانانی بارمتەی ۱۰۰ ملیۆن تمەنی تا كاتی بەڕێوەچوونی دانیشتنی دادگا، بە شێوەی كاتی ئازاد كرابوو.

كۆمەڵەی مافی مرۆڤی كوردستان

ئاتێن خه‌مێكی قووڵ و خه‌ونێكی باڵابه‌رزی ئاربه‌بای له‌ ئامێز گرت

Kurdish/ English
سه‌نگین و ژیر، گه‌وره‌ تر له‌ ته‌مه‌ن و له‌ زه‌مه‌نی، بیرتیژ و بیر قوڵ، جیاواز له‌ هاوته‌مه‌نه‌كانی، به‌ پره‌نسیپ و بوێر، وڵاتپارێز و نیشتمانپەروەر.

یه‌كه‌م دیدارمانمان باش له‌ بیره‌، شه‌وێكی هاوینی 2006 بوو، له‌ پاركی بانه‌كۆن ئه‌وه‌ی به‌ پاركی "كوده‌ك" ناسراوه‌، جوابی تاقیكردنه‌وه‌ی زانكۆی وه‌رگرتبوو، حه‌زی له‌ كۆمه‌ڵناسی بوو، یارمه‌تیمان دا له‌ پڕكردنه‌وه‌ی فۆڕمی زانكۆ و دواتریش له‌ زانكۆی ته‌ورێز وه‌رگیرا.
ئه‌و یه‌كه‌م دیداره‌ی من و هه‌ژیر چه‌ندین پێكه‌وه‌چوونه‌ده‌ره‌وه‌ و قسه‌كردن و راگۆڕینه‌وه‌ی به‌دواوه‌ بوو، رێز و خۆشه‌ویستی ئه‌و به‌رده‌وام له‌ لام زیاتر ده‌بوو.
قه‌ده‌ر وابوو من له‌ رۆژهه‌ڵات نه‌مێنم، پاش چه‌ند ساڵێك بیستم له‌ سه‌ر چالاكیه‌ خوێندكاریه‌كانی گیراوه‌ و رووبه‌ڕووی ئازار و ئه‌شكه‌نجه‌یه‌كی زۆر بووه‌ته‌وه‌.
دواتر و به‌ رێكه‌وت هه‌ر له‌ فه‌یس بووك یه‌كمان دۆزیه‌وه‌، به‌هۆی گوشاره‌كانی سه‌ری، ناچار ببوو ئێران و رۆژهه‌ڵاتی كوردستان جێبهێڵێت، ئه‌و كات له‌ توركیا بوو، هه‌ندێك باسی خۆی و گیرانه‌كه‌ی و ژیانی كۆچبه‌ری بۆكردم.
ئیتر لێی بێخه‌به‌ر بووم، دواتر زانیم رووی كردۆته‌ یونان و به‌ بێ خواستی خۆی ئه‌و وڵاته‌ مافی مانه‌وه‌ی پێداوه‌ و كاتێك له‌ نۆروێژ بووه‌ دیسان ناچار بووه‌ بگه‌ڕێته‌وه‌ بۆ یۆنان.
چه‌ند رۆژێك به‌ر له‌ ئێستا دۆستێك باسی له‌وه‌كرد كه‌ ماوه‌یه‌كه‌ هیچ سۆراغێكی نییه‌ و ناتوانرێت په‌یوه‌ندی پێوه‌بكرێت، دواجار و رۆژی یه‌كی نیسان، هه‌واڵێكی جه‌رگبڕ هات، وتیان به‌ رووداوێكی دڵته‌زێن گیانی له‌ده‌ستداوه‌، پڕ به‌دڵ ته‌مه‌نام ده‌كرد ئه‌مه‌ درۆی یه‌كی نیسان بێت، به‌ڵام به‌داخه‌وه‌ وانه‌بوو.
رۆژی هه‌ینی ته‌رمی هه‌ژیر ره‌نجبه‌ری له‌ ئاتێنی یۆنان و به‌شێوه‌ی كاتی به‌خاكسپێدرا، جه‌سته‌ی له‌ڕ و لاواز بوو، به‌ڵام كه‌سایه‌تی قورس ، ئه‌و به‌رده‌بوو له‌ جێی خۆیشی ترازابوو، كه‌چی هه‌ر سه‌نگین بوو، هه‌ر بۆیه‌ش رژێمی ئێران نه‌یهێشتبوو پرسه‌ی بۆ دابنرێت.
هه‌ژیر و هه‌ژیره‌كان، كه‌ چ له‌ زیندان و چ له‌ كۆچبه‌ری تاڵی و مه‌راره‌تی نه‌ماوه‌ نه‌یچێشن نرخی باڵای ئه‌م نه‌ته‌وه‌ن، شیاوی ئه‌وه‌ن كه‌ گه‌وره‌ترین رێزیان لێبنرێت و هه‌رده‌م یاد بكرێنه‌وه‌، به‌هیوای هاتنه‌ دی خه‌ونه‌ باڵاكانی و گه‌ڕانه‌وه‌ی ته‌رمه‌كه‌ی بۆ نیشتمانێكی ئازاد.
رەوانی شاد و ئارامی و سەبوری بۆ كەسوكار و ئازیزانی.

My friend Hazhir Ranjbari 31 died in Greece by car accident. he was student of Tabriz in 2010 when he arrest by iranian securety force, and he was more than 3 months in prison, because of his political activity. He was tortured in prison. After being released from prison, he was under pressure. For this reason, it was forced to leave Iran in 2011. he left iran in 2011 and live in turkey as asylum seeker for 4 years and than he went to Greece. After Greece, he came to Norway, but he realized that Greece had resided in him, so he was forced to return to Greece. From March 10, friends and family had no information about him. On April 1, his family was informed that he had lost his life in an accident. On Friday, 5 April, his body was buried in Greece. Iran's security forces did not allow their families to attend ceremonies in Baneh (Kurdistan, Iran).
He once told a relative that until the Iranian regime was destroyed, he would not even return his body to Iran.

بكوژی ژنێكی كورد له‌ به‌ریتانیا سزا درا

in last 6 month 3 kurdish women were killed by them ex- husband in europe countries
a report about those crimes

له‌ ماوه‌ی شه‌ش مانگی رابردوودا له‌ سێ وڵاتی جیاجیای ئه‌وروپا، 3 ژنی كورد له‌ لایه‌ن هاوسه‌ر/ هاوسه‌ری پێشوویانه‌وه‌ كوژراون و یه‌كێك له‌ بكوژه‌كانیش سزای زیندانی به‌سه‌ردا سه‌پێنراوه‌. له‌ لایه‌ن دادگای شاری ستافۆردشێری به‌ریتانیاوه‌، دانا عه‌بدوڵا، به‌ تۆمه‌تی كوشتنی ئاڤان نه‌جمه‌دینی هاوسه‌ری سزای 18 ساڵ و 8 مانگ زیندانی كردنی به‌سه‌ردا سه‌پێنرا. سه‌ره‌تای مانگی ئۆكتۆبه‌ری ساڵی رابردوو ته‌رمی ئاڤان نه‌جمه‌دین، ته‌مه‌ن 33 ساڵ كه‌ دایكی چوار منداڵ بوو له‌ ماڵه‌كه‌ی خۆی له‌ شاری ستۆكنترێت دۆزرابوه‌وه‌ و دواتر هاوسه‌ره‌كه‌ی به‌ تۆمه‌تی ئه‌نجامدانی ئه‌و تاوانه‌ ده‌ستگیركرابوو. هه‌رچه‌نده‌ بكوژه‌كه‌ باسی له‌وه‌كردووه‌ كه‌ به‌ هۆی ناپاكی و گۆڕینی ئایینه‌وه‌ هاوسه‌ره‌كه‌ كوشتووه‌، به‌ڵام سه‌رچاوه‌كانی هه‌واڵی به‌ریتانیا باس له‌وه‌ده‌كه‌ن پاڵنه‌ری سه‌ره‌كی بۆ ئه‌و تاوانه‌ بریتی بووه‌ له‌وه‌ی ئاڤان رازی نه‌بووه‌ پشتگیری داواكاری نیشته‌جێ بوونی دانا بكات، ئه‌مه‌ش به‌ هۆی ئه‌وه‌ی هاوسه‌ره‌كه‌ی له‌ دۆسیه‌ی گێچه‌ڵی سێكسی به‌ كچانی مێرمنداڵه‌وه‌ تێوه‌ گلابوو.

هه‌مان مانگ و له‌ رووداوێكی هاوشێوه‌دا ژنێكی كورد به‌ ناوی په‌یمان عه‌توڵا، ته‌مه‌ن 37 ساڵ، له‌ شاری یۆتۆبۆری سوید به‌ ده‌ستی هاوسه‌ری پێشووی كوژرا كه‌ 7 ساڵ بوو لێك جیاببونه‌وه‌. رووداوه‌كه‌ رۆژی 21 ی ئۆكتۆبه‌ری ساڵی 2018 روویدا و له‌ كاتێكدا په‌یمان به‌ره‌و شوێنی كاره‌كه‌ی ده‌چوو، له‌ لایه‌ن هاوسه‌ری پێشوویه‌وه‌ درایه‌ به‌ر گولـله‌ و پاش چه‌ند كاتژمێرێك مانه‌وه‌ له‌ نه‌خۆشخانه‌ ژیانی له‌ده‌ستدا.

سه‌ه‌رتای ئه‌م مانگه‌ش له‌ وڵاتی نۆروێژ ژنێكی كورد به‌ ناوی ئه‌خته‌ر ئه‌سعه‌د، دانیشتووی شاری سترۆمن له‌ لایه‌ن هاوسه‌ری پێشوویه‌وه‌ به‌ چه‌قۆ كوژرا و تۆمه‌تباره‌كه‌ش له‌ لایه‌ن پۆلیسه‌وه‌ ده‌ستگیركراوه‌ و له‌ ئێستادا لێكۆڵینه‌وه‌ له‌گه‌ڵ ده‌كرێت.

http://www.kmmk.info/ku/16005

ته‌رمی هه‌ژیر ره‌نجبه‌ری له‌ یۆنان به‌خاكسپێردرا

ئێواره‌ی رۆژی هه‌ینی 16 ی خاكه‌لێوه‌ی 2719 ی كوردی، ته‌رمی هه‌ژیر ره‌نجبه‌ری، په‌نابه‌ری كورد و زیندانی سیاسی پێشوو، له‌ وڵاتی یۆنان به‌خاكسپێدرا.
له‌ رێوره‌سمه‌كه‌دا كه‌ به‌ به‌شدار ژماره‌یه‌ك له‌ په‌نابه‌ران و چالاكوانانی كوردی نیشته‌جێی وڵاتی یۆنان به‌ڕێوه‌چوو، هادی سۆفی زاده‌، نوسه‌ر و چالاكوان كه‌ پورزای كۆچكردووه‌، وته‌یه‌كی پێشكه‌ش كرد و تێیدا باسی له‌وه‌كرد، كه‌ هێزه‌كانی ئیتلاعاتی ئێران له‌ شاری بانه‌ی رۆژهه‌ڵاتی كوردستان رێگه‌یان به‌ بنه‌ماڵه‌ی هه‌ژیر ره‌نجبه‌ری نه‌داوه‌ پرسه‌ی بۆ دابنێن.
هادی سۆفی زاده‌ ئاشكراشی كرد، كه‌ هه‌ژیر ره‌نجبه‌ری پێشتر وه‌ك وه‌سیه‌ت پێی راگه‌یاندووه‌، كه‌ تا ئه‌و كاته‌ی كۆماری ئیسلامی ئێران له‌سه‌ر ده‌سه‌ڵاته‌ نایه‌وێت ته‌رمه‌كه‌شی بگه‌ڕێنرێته‌وه‌ بۆ ئه‌و وڵاته‌، هه‌ر بۆیه‌ وتی: به‌شێوه‌یه‌كی كاتی ته‌رمه‌كه‌یان له‌ یۆنان به‌خاكسپاردووه‌.
ئه‌و نوسه‌ره‌، له‌ به‌شێك له‌ قسه‌كانیدا ئاماژه‌ی به‌وه‌ كرد، كه‌ باڵیۆزخانه‌ی ئێران له‌ ئاتێن هه‌وڵی زۆریداوه‌ كه‌ ئاسته‌نگ بۆ رێوره‌سمی به‌خاكسپاردنه‌كه‌ دروست بكات، به‌ڵام دوای ئاگاداركردنه‌وه‌ی پۆلیسی یۆنان، رێگری له‌و هه‌وڵ و ده‌ستوه‌ردانانه‌ی ئێران كراوه‌.
جێی باسه‌ هه‌ژیر ره‌نجبه‌ری، خوێندكاری پێشووی زانكۆی ته‌ورێز كه‌ ساڵی 2010 به‌ هۆی چالاكی سیاسیه‌وه‌ بۆ ماوه‌یه‌ك زیندانی كرابوو، دوابه‌دوای ئازادبوونی له‌ زیندان به‌ هۆی به‌رده‌وامی فشاره‌كانه‌وه‌ ناچار ببوو ئێران و رۆژهه‌ڵاتی كوردستان جێبهێڵێت و له‌ یۆنان وه‌ك په‌نابه‌ر نیشته‌جێ ببوو.
پاش نزیكه‌ی 20 رۆژ بێهه‌واڵی و پچڕانی په‌یوه‌ندی به‌ كه‌س و كار و هاوڕێیانیه‌وه‌، دواجار رۆژی 11 ی خاكه‌لێوه‌ بنه‌ماڵه‌كه‌ی ئاگادار كرانه‌وه‌، كه‌ هه‌ژیر ره‌نجبه‌ری به‌ رووداوێك له‌ وڵاتی یۆنان كۆچی دوایی كردووه‌.

رۆژهەڵاتی كوردستان.. ئاماری پێشێلكاریەكانی مافی مرۆڤ لە مانگی ئادار خرایەڕوو

at march killed 7 kolbar (kurdish worker on border) and injurd 11.

also at that month iranian security forces arrest 22 political and social activist.

بەپێی ئامارێك مانگی رابردوو لە رۆژهەڵاتی كوردستان 17 كۆڵبەر بوونە قوربانی و 6 كەسیش لە سێدارەدراون و 22 چالاكوانی سیاسی و مەدەنیش دەستبەسەركراون.
كۆمەڵەی مافی مرۆڤی كوردستان ئاماری پێشێلكاریەكانی مافی مرۆڤی لە مانگی ئاداری ئەمساڵ لە رۆژهەلاتی كوردستان بڵاوكردەوە و بە پێی ئامارەكە، لەو مانگەدا 6 كۆڵبەر بە تەقەی هێزە ئەمنیەكانی ئێران كوژراون و 11 ی تر برینداربوون.
شەپۆلی گرتن و دەستبەسەركردنی چالاكوانانی سیاسی و مەدەنی و ژینگە پارێزی كە لەسەرەتای ئەمساڵەوە چڕ تر بوەتەوە، لەو مانگەشدا بەردەوام بووە و 22 چالاكوان لە لایەن هێزە ئەمنیەكانی ئێرانەوە لە هەر دوو پارێزگای ورمێ و سنە دەستگیركراون.
سەبارەت بە ئامارەكانی لە سێدارەدانیش هاتووە كە لە مانگی ئاداردا 6 زیندانی سزای مردنیان بەسەردا جێبەجێ كراوە، كە تۆمەتی كوشتنیان خرابوەپاڵ و هاوكات لەو مانگەدا 5 پیاو و پێنج ژن خۆیان كوشتووە و ژن و پیاوێكیش كوژراون.

https://www.radionawa.com/Ku/all-detail.aspx?jimare=16152