بانگهێشتی هاوڵاتیەكی كورد بۆ دادگای شۆڕشی ئیسلامی لە تاران

presure on iranian kurdish activist

KMMK:
رۆژی شەممە ۱۷ ی خاكەلێوەی ۲۷۱۹ ی كوردی، دادگای شۆڕشی ئیسلامی ئێران لە شاری تاران “سەعید ئیقباڵی” چالاكوانی مەدەنی كوردی خەڵكی شاری كرماشانی ئاگاداركردۆتەوە لەوەی كاتژمێر ۹ ی سەرلەبەیانی رۆژی چوارشەممە ۲۱ ی خاكەلێوە ئامادەی لقی ۲۸ ی ئەو دادگایە بێت.
بەوتەی سەرچاوەیەكی ئاگادار، ئەو چالاكوانە كوردە بەتۆمەتەكانی “بانگەشەكردن لە دژی دەسەڵات”، “گردبوونەوە و پلاندانان بە ئامانجی هەنگاونان دژی ئاسایشی نیشتمانی”، بانگهێشتی لقی ۲۸ ی دادگای شۆڕشی ئیسلامی تاران بە سەرۆكایەتی دادوەری “مەقیسە” كراوە.
جێی باسە سەعید ئیقباڵی چالاكوانی مەدەنی كورد رۆژی ۱۲ ی رێبەندانی ساڵی ۲۷۱۷ لە لایەن هێزە ئەمنیەكانی ئێران لە شاری كرماشان دەستبەسەر كرابوو، پاش دوو رۆژ گواسترابوەوە بۆ بەندی ۲۰۹ ی گرتووخانەی ئێڤینی تاران و دواجار و لە ئەنجامی بەدواداچوونی بنەماڵەكەی بە دانانی بارمتەی ۱۰۰ ملیۆن تمەنی تا كاتی بەڕێوەچوونی دانیشتنی دادگا، بە شێوەی كاتی ئازاد كرابوو.

كۆمەڵەی مافی مرۆڤی كوردستان

ئاتێن خه‌مێكی قووڵ و خه‌ونێكی باڵابه‌رزی ئاربه‌بای له‌ ئامێز گرت

Kurdish/ English
سه‌نگین و ژیر، گه‌وره‌ تر له‌ ته‌مه‌ن و له‌ زه‌مه‌نی، بیرتیژ و بیر قوڵ، جیاواز له‌ هاوته‌مه‌نه‌كانی، به‌ پره‌نسیپ و بوێر، وڵاتپارێز و نیشتمانپەروەر.

یه‌كه‌م دیدارمانمان باش له‌ بیره‌، شه‌وێكی هاوینی 2006 بوو، له‌ پاركی بانه‌كۆن ئه‌وه‌ی به‌ پاركی "كوده‌ك" ناسراوه‌، جوابی تاقیكردنه‌وه‌ی زانكۆی وه‌رگرتبوو، حه‌زی له‌ كۆمه‌ڵناسی بوو، یارمه‌تیمان دا له‌ پڕكردنه‌وه‌ی فۆڕمی زانكۆ و دواتریش له‌ زانكۆی ته‌ورێز وه‌رگیرا.
ئه‌و یه‌كه‌م دیداره‌ی من و هه‌ژیر چه‌ندین پێكه‌وه‌چوونه‌ده‌ره‌وه‌ و قسه‌كردن و راگۆڕینه‌وه‌ی به‌دواوه‌ بوو، رێز و خۆشه‌ویستی ئه‌و به‌رده‌وام له‌ لام زیاتر ده‌بوو.
قه‌ده‌ر وابوو من له‌ رۆژهه‌ڵات نه‌مێنم، پاش چه‌ند ساڵێك بیستم له‌ سه‌ر چالاكیه‌ خوێندكاریه‌كانی گیراوه‌ و رووبه‌ڕووی ئازار و ئه‌شكه‌نجه‌یه‌كی زۆر بووه‌ته‌وه‌.
دواتر و به‌ رێكه‌وت هه‌ر له‌ فه‌یس بووك یه‌كمان دۆزیه‌وه‌، به‌هۆی گوشاره‌كانی سه‌ری، ناچار ببوو ئێران و رۆژهه‌ڵاتی كوردستان جێبهێڵێت، ئه‌و كات له‌ توركیا بوو، هه‌ندێك باسی خۆی و گیرانه‌كه‌ی و ژیانی كۆچبه‌ری بۆكردم.
ئیتر لێی بێخه‌به‌ر بووم، دواتر زانیم رووی كردۆته‌ یونان و به‌ بێ خواستی خۆی ئه‌و وڵاته‌ مافی مانه‌وه‌ی پێداوه‌ و كاتێك له‌ نۆروێژ بووه‌ دیسان ناچار بووه‌ بگه‌ڕێته‌وه‌ بۆ یۆنان.
چه‌ند رۆژێك به‌ر له‌ ئێستا دۆستێك باسی له‌وه‌كرد كه‌ ماوه‌یه‌كه‌ هیچ سۆراغێكی نییه‌ و ناتوانرێت په‌یوه‌ندی پێوه‌بكرێت، دواجار و رۆژی یه‌كی نیسان، هه‌واڵێكی جه‌رگبڕ هات، وتیان به‌ رووداوێكی دڵته‌زێن گیانی له‌ده‌ستداوه‌، پڕ به‌دڵ ته‌مه‌نام ده‌كرد ئه‌مه‌ درۆی یه‌كی نیسان بێت، به‌ڵام به‌داخه‌وه‌ وانه‌بوو.
رۆژی هه‌ینی ته‌رمی هه‌ژیر ره‌نجبه‌ری له‌ ئاتێنی یۆنان و به‌شێوه‌ی كاتی به‌خاكسپێدرا، جه‌سته‌ی له‌ڕ و لاواز بوو، به‌ڵام كه‌سایه‌تی قورس ، ئه‌و به‌رده‌بوو له‌ جێی خۆیشی ترازابوو، كه‌چی هه‌ر سه‌نگین بوو، هه‌ر بۆیه‌ش رژێمی ئێران نه‌یهێشتبوو پرسه‌ی بۆ دابنرێت.
هه‌ژیر و هه‌ژیره‌كان، كه‌ چ له‌ زیندان و چ له‌ كۆچبه‌ری تاڵی و مه‌راره‌تی نه‌ماوه‌ نه‌یچێشن نرخی باڵای ئه‌م نه‌ته‌وه‌ن، شیاوی ئه‌وه‌ن كه‌ گه‌وره‌ترین رێزیان لێبنرێت و هه‌رده‌م یاد بكرێنه‌وه‌، به‌هیوای هاتنه‌ دی خه‌ونه‌ باڵاكانی و گه‌ڕانه‌وه‌ی ته‌رمه‌كه‌ی بۆ نیشتمانێكی ئازاد.
رەوانی شاد و ئارامی و سەبوری بۆ كەسوكار و ئازیزانی.

My friend Hazhir Ranjbari 31 died in Greece by car accident. he was student of Tabriz in 2010 when he arrest by iranian securety force, and he was more than 3 months in prison, because of his political activity. He was tortured in prison. After being released from prison, he was under pressure. For this reason, it was forced to leave Iran in 2011. he left iran in 2011 and live in turkey as asylum seeker for 4 years and than he went to Greece. After Greece, he came to Norway, but he realized that Greece had resided in him, so he was forced to return to Greece. From March 10, friends and family had no information about him. On April 1, his family was informed that he had lost his life in an accident. On Friday, 5 April, his body was buried in Greece. Iran's security forces did not allow their families to attend ceremonies in Baneh (Kurdistan, Iran).
He once told a relative that until the Iranian regime was destroyed, he would not even return his body to Iran.

بكوژی ژنێكی كورد له‌ به‌ریتانیا سزا درا

in last 6 month 3 kurdish women were killed by them ex- husband in europe countries
a report about those crimes

له‌ ماوه‌ی شه‌ش مانگی رابردوودا له‌ سێ وڵاتی جیاجیای ئه‌وروپا، 3 ژنی كورد له‌ لایه‌ن هاوسه‌ر/ هاوسه‌ری پێشوویانه‌وه‌ كوژراون و یه‌كێك له‌ بكوژه‌كانیش سزای زیندانی به‌سه‌ردا سه‌پێنراوه‌. له‌ لایه‌ن دادگای شاری ستافۆردشێری به‌ریتانیاوه‌، دانا عه‌بدوڵا، به‌ تۆمه‌تی كوشتنی ئاڤان نه‌جمه‌دینی هاوسه‌ری سزای 18 ساڵ و 8 مانگ زیندانی كردنی به‌سه‌ردا سه‌پێنرا. سه‌ره‌تای مانگی ئۆكتۆبه‌ری ساڵی رابردوو ته‌رمی ئاڤان نه‌جمه‌دین، ته‌مه‌ن 33 ساڵ كه‌ دایكی چوار منداڵ بوو له‌ ماڵه‌كه‌ی خۆی له‌ شاری ستۆكنترێت دۆزرابوه‌وه‌ و دواتر هاوسه‌ره‌كه‌ی به‌ تۆمه‌تی ئه‌نجامدانی ئه‌و تاوانه‌ ده‌ستگیركرابوو. هه‌رچه‌نده‌ بكوژه‌كه‌ باسی له‌وه‌كردووه‌ كه‌ به‌ هۆی ناپاكی و گۆڕینی ئایینه‌وه‌ هاوسه‌ره‌كه‌ كوشتووه‌، به‌ڵام سه‌رچاوه‌كانی هه‌واڵی به‌ریتانیا باس له‌وه‌ده‌كه‌ن پاڵنه‌ری سه‌ره‌كی بۆ ئه‌و تاوانه‌ بریتی بووه‌ له‌وه‌ی ئاڤان رازی نه‌بووه‌ پشتگیری داواكاری نیشته‌جێ بوونی دانا بكات، ئه‌مه‌ش به‌ هۆی ئه‌وه‌ی هاوسه‌ره‌كه‌ی له‌ دۆسیه‌ی گێچه‌ڵی سێكسی به‌ كچانی مێرمنداڵه‌وه‌ تێوه‌ گلابوو.

هه‌مان مانگ و له‌ رووداوێكی هاوشێوه‌دا ژنێكی كورد به‌ ناوی په‌یمان عه‌توڵا، ته‌مه‌ن 37 ساڵ، له‌ شاری یۆتۆبۆری سوید به‌ ده‌ستی هاوسه‌ری پێشووی كوژرا كه‌ 7 ساڵ بوو لێك جیاببونه‌وه‌. رووداوه‌كه‌ رۆژی 21 ی ئۆكتۆبه‌ری ساڵی 2018 روویدا و له‌ كاتێكدا په‌یمان به‌ره‌و شوێنی كاره‌كه‌ی ده‌چوو، له‌ لایه‌ن هاوسه‌ری پێشوویه‌وه‌ درایه‌ به‌ر گولـله‌ و پاش چه‌ند كاتژمێرێك مانه‌وه‌ له‌ نه‌خۆشخانه‌ ژیانی له‌ده‌ستدا.

سه‌ه‌رتای ئه‌م مانگه‌ش له‌ وڵاتی نۆروێژ ژنێكی كورد به‌ ناوی ئه‌خته‌ر ئه‌سعه‌د، دانیشتووی شاری سترۆمن له‌ لایه‌ن هاوسه‌ری پێشوویه‌وه‌ به‌ چه‌قۆ كوژرا و تۆمه‌تباره‌كه‌ش له‌ لایه‌ن پۆلیسه‌وه‌ ده‌ستگیركراوه‌ و له‌ ئێستادا لێكۆڵینه‌وه‌ له‌گه‌ڵ ده‌كرێت.

http://www.kmmk.info/ku/16005

ته‌رمی هه‌ژیر ره‌نجبه‌ری له‌ یۆنان به‌خاكسپێردرا

ئێواره‌ی رۆژی هه‌ینی 16 ی خاكه‌لێوه‌ی 2719 ی كوردی، ته‌رمی هه‌ژیر ره‌نجبه‌ری، په‌نابه‌ری كورد و زیندانی سیاسی پێشوو، له‌ وڵاتی یۆنان به‌خاكسپێدرا.
له‌ رێوره‌سمه‌كه‌دا كه‌ به‌ به‌شدار ژماره‌یه‌ك له‌ په‌نابه‌ران و چالاكوانانی كوردی نیشته‌جێی وڵاتی یۆنان به‌ڕێوه‌چوو، هادی سۆفی زاده‌، نوسه‌ر و چالاكوان كه‌ پورزای كۆچكردووه‌، وته‌یه‌كی پێشكه‌ش كرد و تێیدا باسی له‌وه‌كرد، كه‌ هێزه‌كانی ئیتلاعاتی ئێران له‌ شاری بانه‌ی رۆژهه‌ڵاتی كوردستان رێگه‌یان به‌ بنه‌ماڵه‌ی هه‌ژیر ره‌نجبه‌ری نه‌داوه‌ پرسه‌ی بۆ دابنێن.
هادی سۆفی زاده‌ ئاشكراشی كرد، كه‌ هه‌ژیر ره‌نجبه‌ری پێشتر وه‌ك وه‌سیه‌ت پێی راگه‌یاندووه‌، كه‌ تا ئه‌و كاته‌ی كۆماری ئیسلامی ئێران له‌سه‌ر ده‌سه‌ڵاته‌ نایه‌وێت ته‌رمه‌كه‌شی بگه‌ڕێنرێته‌وه‌ بۆ ئه‌و وڵاته‌، هه‌ر بۆیه‌ وتی: به‌شێوه‌یه‌كی كاتی ته‌رمه‌كه‌یان له‌ یۆنان به‌خاكسپاردووه‌.
ئه‌و نوسه‌ره‌، له‌ به‌شێك له‌ قسه‌كانیدا ئاماژه‌ی به‌وه‌ كرد، كه‌ باڵیۆزخانه‌ی ئێران له‌ ئاتێن هه‌وڵی زۆریداوه‌ كه‌ ئاسته‌نگ بۆ رێوره‌سمی به‌خاكسپاردنه‌كه‌ دروست بكات، به‌ڵام دوای ئاگاداركردنه‌وه‌ی پۆلیسی یۆنان، رێگری له‌و هه‌وڵ و ده‌ستوه‌ردانانه‌ی ئێران كراوه‌.
جێی باسه‌ هه‌ژیر ره‌نجبه‌ری، خوێندكاری پێشووی زانكۆی ته‌ورێز كه‌ ساڵی 2010 به‌ هۆی چالاكی سیاسیه‌وه‌ بۆ ماوه‌یه‌ك زیندانی كرابوو، دوابه‌دوای ئازادبوونی له‌ زیندان به‌ هۆی به‌رده‌وامی فشاره‌كانه‌وه‌ ناچار ببوو ئێران و رۆژهه‌ڵاتی كوردستان جێبهێڵێت و له‌ یۆنان وه‌ك په‌نابه‌ر نیشته‌جێ ببوو.
پاش نزیكه‌ی 20 رۆژ بێهه‌واڵی و پچڕانی په‌یوه‌ندی به‌ كه‌س و كار و هاوڕێیانیه‌وه‌، دواجار رۆژی 11 ی خاكه‌لێوه‌ بنه‌ماڵه‌كه‌ی ئاگادار كرانه‌وه‌، كه‌ هه‌ژیر ره‌نجبه‌ری به‌ رووداوێك له‌ وڵاتی یۆنان كۆچی دوایی كردووه‌.

رۆژهەڵاتی كوردستان.. ئاماری پێشێلكاریەكانی مافی مرۆڤ لە مانگی ئادار خرایەڕوو

at march killed 7 kolbar (kurdish worker on border) and injurd 11.

also at that month iranian security forces arrest 22 political and social activist.

بەپێی ئامارێك مانگی رابردوو لە رۆژهەڵاتی كوردستان 17 كۆڵبەر بوونە قوربانی و 6 كەسیش لە سێدارەدراون و 22 چالاكوانی سیاسی و مەدەنیش دەستبەسەركراون.
كۆمەڵەی مافی مرۆڤی كوردستان ئاماری پێشێلكاریەكانی مافی مرۆڤی لە مانگی ئاداری ئەمساڵ لە رۆژهەلاتی كوردستان بڵاوكردەوە و بە پێی ئامارەكە، لەو مانگەدا 6 كۆڵبەر بە تەقەی هێزە ئەمنیەكانی ئێران كوژراون و 11 ی تر برینداربوون.
شەپۆلی گرتن و دەستبەسەركردنی چالاكوانانی سیاسی و مەدەنی و ژینگە پارێزی كە لەسەرەتای ئەمساڵەوە چڕ تر بوەتەوە، لەو مانگەشدا بەردەوام بووە و 22 چالاكوان لە لایەن هێزە ئەمنیەكانی ئێرانەوە لە هەر دوو پارێزگای ورمێ و سنە دەستگیركراون.
سەبارەت بە ئامارەكانی لە سێدارەدانیش هاتووە كە لە مانگی ئاداردا 6 زیندانی سزای مردنیان بەسەردا جێبەجێ كراوە، كە تۆمەتی كوشتنیان خرابوەپاڵ و هاوكات لەو مانگەدا 5 پیاو و پێنج ژن خۆیان كوشتووە و ژن و پیاوێكیش كوژراون.

https://www.radionawa.com/Ku/all-detail.aspx?jimare=16152

نەرویژ.. ژنێكی كورد لە لایەن هاوسەرەكەیەوە كوژرا

لە وڵاتی نەرویژ ژنێكی كوردی خەڵكی رۆژهەڵاتی كوردستان لە لایەن هاوسەرەكەیەوە بە چەقۆ كوژرا.
لەو بارەوە ماڵپەڕی كۆمەڵەی مافی مرۆڤی كوردستان بڵاویكردەوە، ژنێكی كورد بە ناوی ئەختەر ئەسعەد، دانیشتووی شاری سترۆمنی نەرویج لە لایەن مێردەكەیەوە بە چەقۆ كوژراوە.
بەپێی ئەو هەواڵە رووداوەكە رۆژی دووشەممە یەكی نیسان روویداوە و پۆلیس هاوسەری ئەو ژنەیان لەكاتێكدا دەستگیركردووە، كە خوێنی قوربانیەكە بەسەر لەش و جل و بەرگەكانیەوە بووە.
ئەو ژن و پیاوە خەڵكی شاری نەغەدەی رۆژهەڵاتی كوردستان بوون و چەند ساڵێك بەر لە ئێستا وەك پەنابەر روویان لە نەرویژ كردبوو.

https://www.radionawa.com/Ku/all-detail.aspx?jimare=16148

kurdish women in Norway killed by her ex-husband

Her name is akhtar (30) ana thay have girl (8) years old.

Norwian police arrest her ex-husband.

گه‌نجێك له‌ كاتی رزگاركردنی پشیله‌یه‌ك گیانی له‌ده‌ستدا

A young man in the city of Baneh in Kurdistan lost his life when saving a cat


گه‌نجێكی كورد له‌ كاتی رزگاركردنی پشیله‌یه‌ك "كه‌ له‌سه‌ر محاویله‌یه‌كی كاره‌با" گیری خواردبوو، گیانی له‌ده‌ستدا.

ئه‌و گه‌نجه‌ ناوی "واحید قادری"ه‌ و خه‌ڵكی شاری بانه‌ی رۆژهه‌ڵاتی كوردستانه‌ و رۆژی شه‌ممه‌ 30 ی ئادار له‌ كاتی رزگاركردنی پشیله‌یه‌ك كه‌ له‌سه‌ر محاویله‌یه‌كی كاره‌با گیری كردبوو، گیانی له‌ده‌ستدا.

شایه‌تحاڵه‌كان باس له‌وه‌ده‌كه‌ن، ئه‌و پشیله‌یه‌ بۆ دووه‌م جار بووه‌ كه‌ چۆته‌ سه‌ر ئه‌و محاویله‌یه‌ و ئه‌و گه‌نجه‌ش كاتێك چووه‌ به‌ هانایه‌وه‌، كاره‌با گرتویه‌تی و به‌ هۆی كه‌وتنه‌خواره‌وه‌ زیان به‌ر سه‌ری كه‌وتووه‌ و ده‌ستبه‌جێ گیانی له‌ده‌ستداوه‌.

جێی باسه‌ ماوه‌یه‌ك به‌ر له‌ ئێستا گه‌نجێكی كوردی خه‌ڵكی شاری مه‌ریوانی رۆژهه‌ڵاتی كوردستانیش له‌ كاتی رزگار كردنی سه‌گێك كه‌ له‌ ناو زه‌ویه‌كی مینڕێژدا گیری كردبوو، قاچێكی له‌ده‌ستدابوو.

گه‌نجێكی مه‌ریوان سزای ۵ ساڵ زیندانی به‌سه‌ردا سه‌پێندرا

KMMK:

رۆژی شه‌ممه‌ ۱۰ی خاكه‌لێوه‌ی ۲۷۱۹ی كوردی، گه‌نجێك به‌ ناوی سه‌لمان ئه‌فرا ته‌مه‌ن ۲۲ ساڵ، خه‌ڵكی گوندی نێی سه‌ر به‌ شاری مه‌ریوانی رۆژهه‌ڵاتی كوردستان له‌ لایه‌ن ده‌سه‌ڵاتی دادوه‌ری ئێرانه‌وه‌ی سزای پێنج ساڵ زیندانی به‌سه‌ردا سه‌پێنرا.

ئه‌و گه‌نجه‌ كورده‌ به‌ تۆمه‌تی هاوكاریكردنی یه‌كێك له‌ حزبه‌ به‌رهه‌ڵستكاره‌كانی حكومه‌تی ئێران ئه‌و سزایه‌ی به‌سه‌ردا سه‌پێندراوه‌.

جێی بیرهێنانه‌وه‌یه‌ ۲۷ ی به‌فرانباری ۲۷۱۸ ی كوردی، سه‌لمان ئه‌فرا به‌ دانانی بارمته‌ی ۵۰ ملیۆن تمه‌نی و تا كاتی به‌ڕێوه‌چوونی دانیشتنی دادگا به‌ شێوه‌كاتی ئازاد كرابوو.

به‌پێی ئاماره‌كانی كۆمه‌ڵه‌ی مافی مرۆڤی كوردستان له‌سه‌ره‌تای ساڵی زایینیه‌وه‌ تا ئێستا ۹۶ هاوڵاتی له‌ رۆژهه‌ڵاتی كوردستان له‌ لایه‌ن هێزه‌ ئەمنییەکان و سه‌ربازیه‌كانه‌وه‌ ده‌ستبه‌سه‌ركراون.

شایه‌نی باسه‌ له‌ ئێران ئه‌ندامێتی و لایه‌نگری له‌ حزبه‌ سیاسی و به‌رهه‌ڵستكاره‌كان به‌ تاوان داده‌نرێت و ئه‌نجامده‌رانی جگه‌ له‌ سزای زیندانی هه‌ندێك جار رووبه‌ڕووی قورسترین سزاكان ده‌بنه‌وه‌. 

كۆمه‌ڵه‌ی مافی مرۆڤی كوردستان

http://www.kmmk.info/ku/15941

هەڕەشەی دەسبەسەر کردن لە ئەندامانی ئەنجمەنی ژیانەوەی مەهاباد دەکرێت

KMMK:‌

مانگی سووری ئێران لە مه‌هاباد هه‌ڕه‌شه‌ی ده‌ستبه‌سه‌ركردنی له‌ به‌ڕێوبه‌رانی كه‌مپینێكی كۆكردنه‌وه‌ی هاوكاری بۆ لێقه‌وماوانی لافاوه‌كه‌ی چه‌ند ناوچه‌یه‌كی ئێران و رۆژهه‌ڵاتی كوردستان ده‌كات، ئه‌مه‌ش له‌ پێناو راده‌ستكردنی ئه‌و هاوكاریه‌ی كۆیان كردۆته‌وه‌.

ئه‌نجومه‌نی “ژیانه‌وه‌ی سورشتی مه‌هاباد” له‌ ژێر ناوی ” به‌ ته‌نیا به‌جێیان نه‌هێشتین، به‌ ته‌نیا جێیان ناهێڵین”كه‌مپینێكی كۆكردنه‌وه‌ی هاوكاری بۆ لێقه‌وماوانی لافاوه‌كه‌ی رۆژانی رابردووی چه‌ند ناوچه‌یه‌كی ئێران رێكخستووه‌ و به‌پێی زانیاریه‌كان، رێكخراوی مانگی سووری ئه‌و شاره‌ وەک تاپۆ کردنی یارمەتیە کان بەناو خۆی بۆ بەرژەوەندی حکومەت هه‌ڕه‌شه‌یان له‌ به‌ڕێوبه‌رانی كه‌مپینه‌كه‌ كردوه‌، كه‌ هاوكاریه‌ كۆكراوه‌كانیان راده‌ستی ئه‌وان بكه‌ن.

ئه‌وه‌ش خراوه‌ته‌ڕوو، كه‌ دوای ره‌تكردنه‌وه‌ی ئه‌و داواكاریه‌ له‌ لایه‌ن به‌ڕێوبه‌رانی كه‌مپینه‌كه‌، به‌رپرسانی مانگی سوور هه‌ڕه‌شه‌ی ده‌ستبه‌سه‌ركردنیان لێكردوون، به‌ڵام سه‌رباری ئه‌و هه‌ڕه‌شانه‌ ئه‌ندامانی ئه‌نجومه‌نی “ژیانه‌وه‌ی سورشتی مه‌هاباد” درێژه‌ به‌ كه‌مپینه‌كه‌یان بۆ كۆكردنه‌وه‌ی هاوكاری بۆ لێقه‌وماوانی لافاو ده‌ده‌ن.

جێی باسه‌ له‌ رۆژانی رابردوودا له‌ چه‌ند پارێزگایه‌كی ئێران و رۆژهه‌ڵاتی كوردستان به‌هۆی لافاوه‌وه‌ جیا له‌ زیانێكی زۆری گیانی، زیانێكی زۆری مادیش به‌ر هاوڵاتیانی ئه‌و ناوچانه‌ كه‌وت و بۆ به‌هاناوه‌چوون و یارمه‌تی لێقه‌وماوانی ئه‌و رووداوه‌ سروشتیه‌، ئه‌نجومه‌ن و رێكخراوه‌ ناحكومیه‌كان چه‌ند كه‌مپێنێكی كۆكردنه‌وه‌ی هاوكاریان رێكخستووه‌.

کۆمەڵەی مافی مرۆڤی کوردستان

http://www.kmmk.info/ku/15925

بەردەوامی رەشبگیری لە رۆژهەڵاتی كوردستان/ لە دوو رۆژدا سێ كەس لە مەریوان دەستبەسەركراون

رۆژی چوارشەممە 7 ی خاكەلێوە، هێزەكانی ئیتلاعاتی ئێران لە شاری مەریوان “پەیام شەوقی”، كوڕی “ئیسحاق”یان لە نێوان هەردوو گوندی “خاومیراوا” و “بەردەڕەشە” دەستگیركردووە و بۆ شوێنێكی نادیاریان گواستوەتەوە.
هەروەها پێشووتریش رۆژی سێ شەممە 6 ی خاكەلێوەش هێزە ئەمنیەكانی ئێران لە گوندی “سەردۆش”ی مەریوان هەر یەك لە “عادل نیكخاه” كوڕی “عومەر” و “كارزان سەردۆش”ی كوڕی “محەمەد” یان دەستبەسەركردبوو.

شیاوی باسە لە كاتی دەستبەسەركردنی ئەو هاوڵاتیانەدا هێزەكانی ئیتلاعات هیچ فەرمانێكی دادگایان نەخستبوەڕوو.

بەلەبەرچاوگرتنی هەڵمەتی دەستگیركردنی ماوەكانی رابردوو، هەروەها دوابەدوای بەڕێوەچوونی رێورەسمەكانی نەورۆز، پێدەچێت هێزەكانی ئێران بە بیانووی بەشداری دەستبەسەركراوەكان لەو رێورەسمانە، ئامانجیان دروستكردنی گوشاری بەربڵاوتر بێت بۆ سەر هاوڵاتیانی رۆژهەڵاتی كوردستان.
لە كۆتاییدا پێویستە بوترێت، لە هیچ ناوچەیەكی ئێران، هێزە ئەمنیەكانی سەر بە حكومەت هاوشێوەی رۆژهەڵاتی كوردستان فشاریان نەخستبوە سەر هاوڵاتیان بۆ رێگری كردن و ئاستەنگ سازكردن لە بەردەم بەڕێوەچوونی رێورەسمەكانی نەورۆز، ئەمەش بۆ ئەوە دەگەڕێتەوە، كە بۆنەی نەورۆز جێگە و پێگەیەكی تایبەتی لە لای گەلی كورد هەیە.

كۆمەڵەی مافی مرۆڤی كوردستان

http://www.kmmk.info/ku/15908

ئەمریكا: دەسەڵاتدارانی ئێران لە پێناو گیرفانی خۆیان بەنداو دروست دەكەن

بەرپرسێكی وەزارەتی دەرەوەی ئەمریكا باس لەوەدەكات بەرپرسانی ئێرانی تەنها بۆ پڕكردنی گیرفانی خۆیان بەنداو دروست دەكەن و ئەو وڵاتە بەرەو كارەساتێكی ژینگەیی دەبەن.

برایان هۆك، بەرپرسی كاروباری ئێران لە وەزارەتی دەرەوەی ئەمریكا لە پەیامێكی ڤیدیۆییدا كە بە بۆنەی رۆژی جیهانی ئاوەوە ئاراستەی خەڵكی ئێرانی كردووە، باسی لەوەكردووە، كە تا بەر لە شۆڕشی 1979 لە ئێراندا 7 بەنداوی كۆن و 14 بەنداوی سەردەمیانە بوونی هەبووە، بەڵام كۆماری ئیسلامی ئێران600 بەنداوی دروست كردووە، كە سەرجەمیان لەسەر بنەمای سیاسەتی هەڵەی ژینگەییەوە بونیاتنراون.

راشیگەیاندووە: ئەو بەنداوانە نەك لە پێناو خزمەتكردنی خەڵك، بەڵكوو لە پێناو پڕكردنی گیرفانی بەرپرسانی ئێرانی دروست كراون، ئەمەش وەك ئاماژەیەك بەوەی سوپای پاسداران لە پشت دروست كردنی ئەو بەنداوانەوەیە و ساڵانە بە هۆیانەوە داهاتێكی زۆری دەست دەكەوێت.

ئەو بەرپرسەی وەزارەتی دەرەوەی ئەمریكا هێمای بۆ ئەوەشكردووە، دروست كردنی بەنداو بە هەڕەمەكی و سیاسەتی هەڵەی بەڕێوەبردنی سامانی ئاو، ئێرانی بەرەو هەڵدێر بردووە و لەبەردەم كارەساتێكی گەورەی ژینگەییدایە.