The latest report of human rights violations in Iranian Kurdistan .. 52 border workers killed in 9 months

According to a new report by the Kurdistan Human Rights Association, six border workers (Kulber) were shot dead by Iranian forces in Iranian Kurdistan in September, and 18 others were injured. According to the report, 52 Kurdish workers have been killed and 137 injured since the beginning of the year. Last month, 33 Kurdish political and civil activists were detained by Iranian security forces. Since the beginning of the year, 190 Kurdish political and civil activists have been arrested. One Kurdish prisoner was executed last month, bringing the total number of people executed in the past nine months to 31. Also last month, two Kurdish shepherds were shot dead by IRGC forces, and near the city of Mahabad, IRGC forces killed four occupants of a car with an RPG.

my last report on NRT

کۆمەڵەی مافی مرۆڤ: لە سەرەتای ئەمساڵەوە ٥٢ کۆڵبەر کوژراون

https://nrttv.com/News.aspx?id=35143&MapID=1

لەپاڵ کێشەکانی وەک گرانی و بێکاری، پرسێکی تر کە بەرۆکی هاوڵاتیانی رۆژهەڵاتی کوردستانی گرتووە، پێشێلکاریەکانی مافی مرۆڤ و بەردەوامی کوژرانی کۆڵبەران و دەستبەسەرکردنی چالاکوانانی سیاسی و مەدەنیە.

بەپێی نوێترین ئاماری کۆمەڵەی مافی مرۆڤی کوردستان مانگی رابردوو بە تەقەی راستەوخۆی هیزە سەربازییەکانی ئێران شەش کۆڵبەر و کاسبکاری کورد کوژراون و ١٨ کۆڵبەر و کاسبکاریش برینداربوون.

راشیگەیاندووە، هەر لە مانگی ئەیلولدا حەوت کۆڵبەر و کاسبکاریش لە لایەن هیزە سەربازی و ئەمنییەکانەوە دەستبەسەرکراون.

بە گشتی لەسەرتای ئەمساڵەوە ٥٢ کۆڵبەر و کاسبکاری کورد بە تەقەی هێزە سەربازییەکانی ئێران کوژراون و ١٣٧ کۆڵبەر و کاسبکاریش برینداربوون و ١٤ کۆڵبەریش دەستبەسەرکراون.

هەر لە مانگی ئەیلولدا هێزە ئەمنیەکانی ئێران ٣٣ چالاکوانی سیاسی، مەدەنی و ژینگە پارێزیان لەناوچە جیاجیاکانی رۆژهەڵات دەستگیرکردووە، کە پێنج کەسیان ژنن، بەمەش لە نۆ مانگی رابردوودا ١٩٠ چالاکوانی کورد لە لایەن هیزە ئەمنیەکانی ئێرانەوە دەستگیر و راپێچی گرتووخانە کراون، کە بەشێکیان بە دانانی بارمتە و بەشێوەی کاتی ئازادکراون و زۆرینەیان تائێستا دەستبەسەرن.

بەشێکی تر راپۆرتەکەی کۆمەڵەی مافی مرۆڤی کوردستان تایبەتە بە لەسێدارەدان و رایگەیاندوە، لە مانگی رابردوودا یەک زیندانی لە سێدارەدراوە و لەسەرتای ئەمساڵیشەوە ٣١ زیندانی کە بەشێکیان زیندانی سیاسی بوون ئەو سزایەیان بەسەردا جێبەجێ کراوە.

ئەو رێکخراوە ئاماژەی بەوەشکردووە، لە مانگی رابردوودا هێزەکانی سوپای پاسداران لە نزیک مەهاباد بە ئار پی جی ئۆتۆمبێلێکیان تەقاندۆتەوە، کە چوار سەرنشینی تێدابووە و هەرچواریان کوژراون و باس لەوەدەکرێت سێ لە سەرنشینەکان ئەندامی حزبێکی کوردستانی بوون.

جیا لەو چوار کەسە وەک کۆمەڵەی مافی مرۆڤ ئاماژەی پێکردووە، دوو هاوڵاتی کە پیشەیان شوانی بووە، لە شنۆ بەتەقەی هیزەکانی سوپای پاسداران کوژراون.

ئەوەشخراوەتەڕوو، کە مانگی نۆی ئەمساڵ ٩ کەس کۆتاییان بە ژیانی خۆیان هێناوە، کە لە سێ ژن و شەش پیاو و منداڵ پێکهاتوون و بەوەش لەسەرەتای ئەمساڵەوە ٥٤ کەس کۆتاییان بە ژیانی خۆیان هیناوە و بێکاری و خراپی بار و گوزەرانی دارایی یەکێک لە پاڵنەرە سەرەکیەکانی خۆکوشتنی ئەو کەسانە بووە، لە پاڵ کێشەی کۆمەڵایەتی و خێزانی.

هەر لە ماوەی رابردوودا سەبارەت بە دۆخی مافەکانی مرۆڤ لە ئێران ٤٧ وڵاتی ئەندامی ئەنجومەنی باڵای مافەکانی مرۆڤی سەر بە نەتەوەیەکگرتوەکان لە بەیاننامەیەکدا پێشێلکاریەکانی مافی مرۆڤ و سنوردارکردنی ئازادیەکان و سەرکوتی خۆپیشاندانەکان و جیاکاری بەرامبەر بە کەمینە ئایینی و نەتەوەییەکانیان لە لایەن حکومەتی تارانەوە شەرمەزا کرد و داواشیان کرد، رێگە بە چاودێرانی نێودەوڵەتی بدرێت بۆ بەدواداچوون بۆ دۆخی مافەکانی مرۆڤ سەردانی ئێران بکەن.

https://www.facebook.com/watch/?ref=external&v=698967210716173